اۆستراليادا ءتورت مەترلىك ءابجىلان گولف الاڭىندا كەنگۋرۋدى جۇتتى
بۇل تۋرالى سەيسەنبى، 13 -جەلتوقسان كۇنى BBC News حابارلادى. وقيعا كۆينسلەند شتاتىنىڭ سولتۇستىگىندە ورىن العان. ويىنعا قاتىسۋشىلار تەگىس الاڭدا سەكىرىپ جۇرگەن كەنگۋرۋ- ۆاللابيدىڭ جانىنداعى الىپ باۋىرىمەن جورعالاۋشىنى كورگەن. «بارلىعى تاڭ قالىستى. بۇل ادەتتەگى جاعداي ەمەس»، - دەدى سپورتشىلاردىڭ ءبىرى جۋرناليستەرگە. ونىڭ ايتۋىنشا، جىلانعا كەنگۋرۋدى جۇتۋ ءۇشىن بەس مينۋت قانا جەتكىلىكتى بولعان. سودان كەيىن الىپ جىلان كەۋىپ كەتكەن وزەن اڭعارىنا كىرىپ كەتكەن كورىنەدى. گولف ويىنشىلارى ارى قاراي ويىندارىن جالعاستىردى. ويتكەنى مۇنداي وقيعا بۇرىن دا ورىن العان.
