ءجۇز جىلدىق جاڭالىقتار - فوتو
مۇنى ىسكە اسقان تاڭعاجايىپتار قاتارىنا قوسۋعا بولادى. ماسەلەن باۋى وزدىگىنەن بايلاناتىن كراسسوۆكانى كوردىڭىز بە؟ بۇل جاڭالىققا ءسىز دە ەلەڭ ەتە قالعانىڭىز انىق. ەندەشە، ەل نازارىن اۋدارعان 15 جاڭالىقتى نازارلارىڭىزعا ۇسىنامىز.
1
«Flyte ۇنەمشىل» لامپاسى. بۇل تۇعىردان جانە قۋات بەرۋشى قۇرالدان تۇرادى. تۇعىردىڭ ىشىندە كۇشتى ەلەكتروماگنيت ورنالاستىرىلعان. ول ەلەكتر قۋاتىن ۇنەمدەيدى. لامپاعا قۋات ەلەكتروماگنيتتى ءورىس ارقىلى بەرىلەتىندىكتەن وعان ەشقانداي سىم جالعانبايدى. جۇرتتى قىزىقتىرعان لامپانىڭ قۇنى - 349 دوللار.
2
كۇننەن قۋات الاتىن «Tesla» شاتىرلارى. ونىڭ كادىمگى شاتىرلاردان سونشالىقتى ايىرماشىلىعى جوق. «Tesla» شيفەر پليتالاردىڭ ءتورت ءتۇرىن ۇسىنىپ وتىر: بۇلىڭعىر اينەك، جىلتىر شىنى اينەك، شىنى پليتكا، توسكان ستيلىندەگى پليتكا.
3
«Nike Hyperadapt» كروسسوۆكاسى. ول ەرەكشە جاسالعان مەحانيزم ارقىلى باۋدى ءوزى بايلايدى. اياق كيىمدى كيگەن ادام سەنسوردى ىسكە قوسۋ ارقىلى باۋدىڭ اۆتوماتتى تۇردە بايلانۋىن تەك قاداعالاپ تۇرادى. ال، باۋدى قانشالىقتى قاتتى بايلاۋدى سەنسورداعى قۋات ءوزى رەتتەيدى. كروسسوۆكانىڭ قۇنى - 720 دوللار.
4
ۆيرتۋالدى شلەم. «PlayStation VR» - گادجەت، الەمدىك ساندىق تەحنولوگيالارمەن تانىسۋدىڭ جاڭا كوكجيەگىن اشقالى وتىر. «PlayStation 4 Pro» جانە «PlayStation 4» بىرىگىپ جاساعان قۇرال 400 دوللار تۇرادى.
5
«Hello Sense» وياتقىشى. ول بولمە ىشىندەگى تەمپەراتۋرانى، ىلعالدى، جارىق مولشەرىن، اۋا ساپاسىن انىقتايدى. ءتىپتى ادامنىڭ ءتۇس كورۋ مۇمكىندىگىن انىقتاپ، وياتۋدىڭ امالىن الدىن جاسايدى. بۇل قۇرالدىڭ قۇنى - 149 دوللار.
6
«Eagle 360» شينالارى. الەمگە ايگىلى «Goodyear» كومپانياسى جاساعان شينالار ارتقا نەمەسە العا عانا ەمەس، ءبىر جانىنا دا جىلجي الادى. ول ماگنيت ءورىسى ارقىلى جۇمىس ىستەيدى. بولاشاقتا ول توسىن جاعدايدا بۇرىلىستار جاساۋعا وتە قاجەت بولارى انىق.
7
«Quip» ءتىس شەتكاسى. ول ءاربىر 30 سەكۋند سايىن ءتىس قاتارلارىنىڭ قاي تۇسىن تازالاۋدى ەسكەرتەدى. بارىنەن ەرەكشەلىگى شەتكا ءتىستى دۇرىس تازالاۋدى قامتاماسىز ەتەدى. بۇل شەتكا 25 دوللار تۇرادى.
8
«Dyson Supersonic» - ءتىڭ كادىمگى فەننەن ايىرماشىلىعى شامالى. ءبىراق ۆەنتيلياتورسىز جۇمىس ىستەيدى. قۇرال بەرىلگەن اۋانىڭ تەمپەراتۋراسىن قاداعالاپ، ونى سەكۋند سايىن ولشەيدى. دىبىسسىز ىستەيتىن قۇرالدى تەك شاشقا جاقىن ۇستاماعان ءجون كورىنەدى. «Dyson Supersonic»- ءتىڭ باعاسى - 399 دوللار.
9
«DJI Maviс Pro» درونى. مۇنى وندىرۋشىلەر اپپاراتتى وتە ىقشامداپ جاساعان. ونىڭ ارتىقشىلىعى جينالمالىعىندا جانە «4ك» كامەراسى ورناتىلعاندىعىندا. ۇشقىشسىز باسقارىلاتىن قۇرال جىلدامدىقتى ساعاتىنا 65 شاقىرىمعا دەيىن ارتتىرا الادى. 13 شاقىرىم اۋماقتى باقىلاۋعا مۇمكىندىگى بار. اككۋمۋلياتور قۋاتى 27 مينۋتقا جەتەدى. كورىنىستەردى باياۋ ءتۇسىرۋ ءۇشىن ءۇشقىرلى ستابيليزاتور قولدانىلادى. قۇنى - 999 دوللار.
10
«Arc InstaTemp» - تەرمومەترى ادام دەنەسىنە جاناسپاي-اق تەمپەراتۋرانى ولشەيدى. ولشەۋ ۋاقىتى - 2,5 سەكۋند. ساندى ۇلكەيتىپ كورسەتەدى جانە جاسىل ءتۇستى قاۋىپسىزدىك ينديكاتورى جانادى. جاسىل تەمپەراتۋرانىڭ كوتەرىلگەنىن، قىزىل تەز ارادا ءدارى ءىشۋدى نەمەسە ەگۋدى ەسكەرتەدى. بۇل قۇرال 40 دوللار تۇرادى.
11
Minimed 670g». Medtronic كومپانياسى ويلاپ تاپقان جاساندى ءوت بەزى. ول سۋسامىر دەرتىمەن اۋىراتىن ادامداردى مىندەتتى تۇردە ەگۋدەن ارىلتادى. ءار 5 مينۋت سايىن قانداعى گورمانداردى ولشەيتىن قۇرال قانعا قاجەتتى ينسۋلين جىبەرىپ وتىرادى. بۇل كەلەسى جىلدان باستاپ ساتىلىمعا شىعارىلادى.
12
«Tiangong-2» ستانساسى - قىتاي ۇلتتىق عارىش اگەنتتىگىندە جاسالعان، «جۇماق سارايى» دەگەن رەسمي ەمەس اتاۋعا يە قۇرال. ۇزىندىعى 10 مەتر، كولدەنەڭى 4 مەتر قۇرىلعى ناعىز تاجىريبە الاڭى بولماقشى. ترەناجەرلىك زالى بار اپپاراتتا اعزا جۇمىسىنا ءتۇرلى زەرتتەۋلەر جۇرگىزىلەدى.
13
«IKO» قول پروتەزى. كارلوس ارتۋر توررەس ويلاپ تاپقان جاساندى قول دەنەنىڭ وسى بولىگىنەن ايىرىلعان ادامداردى قۋانىشقا بولەمەكشى. پروتەزدىڭ ەرەكشەلىگى - قولى جوق بالالاردىڭ ويىننان قۇر قالماۋىن قامتاماسىز ەتەدى.
14
«UNICEF Kid Power Band» اقىلدى براسلەتى. باعاسى 40 دوللار تۇراتىن براسلەتتىڭ ماڭىزدىلىعىن باعالاۋ قيىن ەكەن. بىرىنشىدەن، ول بالالاردى كوپ قيمىلداۋعا ماجبۇرلەيدى. وسى ءۇشىن موبيلدى قوسىمشادا بال جينالادى. ەكىنشىدەن، «UNICEF» براسلەتىن ساتۋدان تۇسكەن قاراجات الەمدەگى اش ادامداردى ولىمنەن اراشالاپ قالۋعا جۇمسالماق. قازىردىڭ وزىندە قۇرالدى ساتۋدان تۇسكەن قاراجات 30 مىڭ ادامدى اشتىقتان ساقتاپ قالعان.
15
«Apple AirPods» جەلىسىز قۇلاققاپ ازىرشە ساۋداعا تۇسپەگەن. الايدا قازىردىڭ وزىندە سۇرانىس ارتىپ وتىرعان كورىنەدى. الەمدە جوق قۇلاققاپ جۇرتتى تاڭداندىراتىنىنا ماماندار داۋسىز سەنەدى.
«ايقىن»
