قازاقستاندىق پاراليمپياداشىلار ات سپورتىنان ماسكەۋ كۋبوگىن جەڭىپ الدى

جارىستار 6-9- جەلتوقسان ارالىعىندا ماسكەۋ تۇبىندەگى حيمكي قالاسىندا ءوتتى. ەل نامىسىن پاراليمپياداشى ءتورت سپورتشى قورعادى. ونىڭ ۇشەۋى ولجالى ورالدى. ق ر ۇلتتىق پاراليمپيادا كوميتەتىنىڭ سايتىندا جاريالانعان اقپاراتقا سايكەس، «التىندى» B تەستىندە دياس ەسكەرمەسوۆ جەڭىپ الدى.

«العاشقى ۇيرەتۋ» سىناعى بويىنشا A تەستىندە الماس يسانوۆ ەكىنشى ورىنعا يە بولدى. قازاقستانعا تاعى ءبىر كۇمىس مەدالدى ايعانىم ەرمەكوۆا الىپ كەلدى. ول دەربي تەستى جانە مۋزىكالىق سۇيەمەلدەۋمەن ەركىن باعدارلاما بويىنشا ونەر كورسەتتى. ولاردىڭ ءارقايسىسىندا ەكىنشى ورىندى يەلەنىپ، ناتيجەسىندە كۇمىس القا تاعىندى.

جارىستاردىڭ جەڭىمپازى دياس ەسكەرمەسوۆ 2015-جىلى لوس-اندجەلەستە وتكەن دۇنيەجۇزىلىك جازعى ارنايىلاندىرىلعان وليمپيادا ويىندارىنا قاتىسقان بولاتىن. سپورتشى ءۇش مەدال - التىن، كۇمىس جانە قولانى ەنشىلەپ قايتقان ەدى.

2015-جىلدىڭ سوڭىندا ودان اقىل-ەسىنىڭ كەمىستىگى دياگنوزى الىنىپ، ول كوللەدجگە وقۋعا تۇسە الدى. قازاقستاننىڭ ۇلتتىق پاراليمپيادا كوميتەتىنەن اتاپ وتكەندەي، شىعىس قازاقستان وبلىسىندا پاراليمپيادالىق ات سپورتى بويىنشا ەل قۇراماسىن جاساقتاۋعا مۇمكىندىك بەرەتىن جاقسى بازا بار.

«قولدا بار بازانى ءۇش-ءتورت اتپەن تولىقتىرىپ، باپكەرلىك قۇرامنىڭ بىلىكتىلىگىن ازداپ جوعارىلاتىپ جىبەرسە، الدىمەن، رەيتينگىلىك، ودان ءارى - ءتورت جىلدان كەيىن توكيودا وتەتىن دۇنيەجۇزىلىك حالىقارالىق پاراليمپيادا ويىندارىنا قاتىسۋ تۋرالى ويلاستىرۋعا بولاتىن ەدى»، - دەپ جازىلعان كوميتەت سايتىندا.

اۆتور: گۇلميرا الياكپاروۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى