ساعىنتايەۆ ماسكەۋ مەملەكەتتىك ۋنيۆەرسيتەتىنىڭ رەكتورىمەن ەكى ەلدىڭ عىلىم سالاسىنداعى ىنتىماقتاستىعىن تالقىلادى
دەپ حابارلايدى primeminister.kz.
كەزدەسۋ بارىسىندا مەملەكەت باسشىسى نۇرسۇلتان نازاربايەۆتىڭ باستاماسىمەن قۇرىلعان م م ۋ ىرگەلى جانە عىلىمي- قولدانبالى زەرتتەۋلەر ورتالىعى مەن «استانا» حالىقارالىق عىلىمي كەشەنىن دامىتۋ پەرسپەكتيۆالارى تالقىلاندى.
ەسكە سالا كەتسەك، «استانا» حالىقارالىق عىلىمي كەشەنى (ح ع ك) 2015 -جىلى مەملەكەت باسشىسىنىڭ باستى قۇرىلىمى - «استانا» تالداۋ ورتالىعى بازاسىندا قۇرىلعان.
بۇگىنگى تاڭدا ح ع ك- دا ءۇش ينستيتۋت پەن ەكى ورتالىق جۇمىس جاسايدى: استانا ەكونوميكا مەكتەبى، حالىقارالىق قاتىناستار جانە قاۋىپسىزدىك ينستيتۋتى، ساياسي جانە تاريحي زەرتتەۋلەر ينستيتۋتى، تۇراقتى دامۋ ورتالىعى، الەۋمەتتىك زەرتتەۋلەر ورتالىعى.
جوبا قاتىسۋشىلارى م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتى (رەسەي)، فۋدان ۋنيۆەرسيتەتى (قىتاي)، كولۋمبيا ۋنيۆەرسيتەتى (ا ق ش) جانە كەمبريدج ۋنيۆەرسيتەتى (ۇلى بريتانيا).
استانا قالاسىنداعى ماسكەۋ مەملەكەتتىك ۋنيۆەرسيتەتىنىڭ فيليالى 2000 -جىلى قازاقستان رەسپۋبليكاسىنىڭ پرەزيدەنتى ن. نازاربايەۆتىڭ باستاماسىمەن رەسەي فەدەراتسياسىنىڭ پرەزيدەنتى ۆ. پۋتيننىڭ بەلسەندى جاردەمىمەن قۇرىلعان.
