ەلىمىزدەگى ءتۇرلى ۇلت اقىندارىنىڭ ولەڭدەرى جيناقتالعان انتولوگيا جارىققا شىقتى

ءىس- شاراعا ءماجىلىس دەپۋتاتتارى، قازاقستان حالقى اسسامبلەياسى عىلىمي- ساراپتامالىق توبىنىڭ مۇشەلەرى، قوعام قايراتكەرلەرى، عىلىمي مەن شىعارماشىلىق زيالىلارى، شىعارمالاردىڭ اۆتورلارى، قازاقستاننىڭ تانىمال جازۋشىلارى مەن اقىندارى، باق وكىلدەرى قاتىستى. «ماڭگىلىك ەلىم مەنىڭ» انتولوگياسى قازاقستان جازۋشىلار وداعى، قازاقستان حالقى اسسامبلەياسى، «Altyn Kyran»  حالىقارالىق قايىرىمدىلىق قورىنىڭ قولداۋىمەن جارىققا شىقتى.

«بۇل كىتاپتىڭ باسقا كىتاپتاردان ءجونى دە، جولى دا بولەك. سەبەبى، مۇندا قازاقستانداعى ءتۇرلى ۇلت وكىلدەرىنىڭ ەڭ ۇزدىك شىعارمالارى توپتاستىرىلعان. قاي وقىرمانعا دا وقۋعا ىڭعايلى انتولوگيا ەكى تىلدە قاتار بەرىلگەنىمەن دە قۇندى دەپ ەسەپتەيمىن. وسى جوبانى جۇزەگە اسىرعانى ءۇشىن قازاقستان جازۋشىلار وداعىنا، ۇلكەن قولداۋ كورسەتكەن قازاقستان حالقى اسسامبلەياسىنا ءوز ريزاشىلىعىمدى بىلدىرەمىن»، - دەدى «Altyn Kyran» حالىقارالىق قايىرىمدىلىق قورىنىڭ پرەزيدەنتى يسلامبەك سالجانوۆ.

انتولوگيادا قازاقستانداعى ءتۇرلى ۇلت اقىندارىنىڭ (قازاق، ورىس، ۇيعىر، كۇرد، تاتار، ۋكراين، بەلورۋس، نەمىس، كارىس، ارميان، شەشەن، ينگۋش، تۇرىك، وسەتين، دۇنگەن جانە ت. ب.) ولەڭدەرى جيناقتالعان. 50 اۆتوردىڭ ولەڭدەرى مەملەكەتتىك تىلدە جارىق كورىپ، ورىس تىلىنە اۋدارىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى