الماتىدا دارىگەرلەر مەن قۇتقارۋشىلاردىڭ تاعى ءبىر توبى اعىلشىن ءتىلىن مەڭگەرىپ شىقتى
ۋنيۆەرسيادا سايتىنىڭ حابارلاۋىنشا، الماتى قالاسىنىڭ مەديتسينالىق قىزمەت كورسەتۋ سالاسىنداعى 83 قىزمەتكەرى جانە ت ج د- نىڭ 33 وكىلى بازالىق اعىلشىن ءتىلى كۋرسىن ءتامامداعانى جونىندە سەرتيفيكات الدى. ۇستىمىزدەگى جىلدىڭ قىركۇيەك- جەلتوقسان ايلارى ارالىعىندا الماتى قالاسىنىڭ مەديتسينالىق ماماندارى جانە ت ج د قىزمەتكەرلەرى اعىلشىن ءتىلى گرامماتيكاسىن ۇيرەنىپ، اۋىزشا سويلەۋ داعدىلارىن يگەردى. اتالعان كۋرس مەديتسينالىق نەمەسە باسقا دا كومەك تۇرلەرىن كورسەتۋ قاجەت بولعان جاعدايدا، شەتەلدەن كەلگەن ۋنيۆەرسيادا قاتىسۋشىلارىمەن جانە قالا قوناقتارىمەن تىلدەسۋگە مۇمكىندىك بەرمەك.
وقىتۋ كۋرسى اباي اتىنداعى قازاق ۇلتتىق پەداگوگيكالىق ۋنيۆەرسيتەتى جانە قازاق مەملەكەتتىك قىزدار پەداگوگيكالىق ۋنيۆەرسيتەتىندە بازاسىندا وتكىزىلدى. «ءبىزدىڭ ۋنيۆەرسيتەتتىڭ 10 وقىتۋشىسى الماتى قالاسى مەديتسينالىق قىزمەتكەرلەرىنە اعىلشىن ءتىلىن ۇيرەتتى. وقىتۋ اياسىندا ءتۇرلى باعىتتارعا ارنالعان بازالىق لەكسيكانى عانا ەمەس، سونداي-اق، مادەنيەتارالىق قارىم- قاتىناس نەگىزدەرىن ۇيرەتەتىن باعدارلاما دايىندالدى. كۋرس تىڭداۋشىلارىنىڭ ءبىلىمى ايتارلىقتاي جەتىلگەنىن مەن بايقاپ وتىرمىن، ءوز كەزەگىندە بۇل ءبىلىم ولارعا ۋنيۆەرسيادا قاتىسۋشىلارىمەن جانە قوناقتارمەن لايىقتى دەڭگەيدە تىلدەسىپ، جۇمىس جۇرگىزۋگە كومەكتەسەتىن بولادى»، - دەپ اتاپ ءوتتى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ وقىتۋشىسى جانار كۇلەكەنوۆا.
ۇستىمىزدەگى جىلدىڭ قىركۇيەگىندە 2017 -جىلعى 28- دۇنيەجۇزىلىك قىسقى ۋنيۆەرسيادا كەزىندە قىزمەت كورسەتەتىن 120 دان اسا مەديتسينالىق قىزمەت جۇمىسشىعا اعىلشىن ءتىلى كۋرستارىن تابىستى تۇردە ءتامامداعانى جونىندە سەرتيفيكاتتار تابىستالدى.
