قازاقستاندىقتار قىسقى ۋنيۆەرسيادا تاريحىندا قاي سپورت تۇرىنەن ەڭ كوپ مەدال ەنشىلەدى

تورتكىل دۇنيە كوز تىگىپ، الەمنىڭ ەڭ مىقتى ستۋدەنتتەرىنىڭ باسى قوسىلاتىن دودانىڭ ءدۇبىرى جاقىنداعان سايىن اسەم شاھار الماتى تۇرعىندارى ءوز ەلىندە وتەتىن باستى دودانىڭ تۇساۋى كەسىلەتىن كۇندى تاعاتسىزدانا كۇتىپ جۇرگەنى انىق.

قازىردىڭ وزىندە ۋنيۆەرسياداعا 60 قا جۋىق مەملەكەت قاتىسۋعا ءوتىنىش بەرگەنى ءمالىم. ۋنيۆەرسياداعا 17-28 جاس ارالىعىنداعى جوعارى وقۋ ورىندارىندا ءبىلىم الىپ جاتقان ستۋدەنتتەر مەن ماگيسترانتتاردان قۇرالعان 2 مىڭنان اسا سپورتشى باق سىنايدى دەپ كۇتىلۋدە.

ەندى، وسىعان دەيىن قازاقستان ستۋدەنتتەرى قىسقى ۋنيۆەرسيادا ويىندارىندا قانشا مەدال جەڭىپ العانى تۋرالى ەسكە سالا كەتەيىك.

ەلىمىز قىسقى ۋنيۆەرسيادالارعا 1993-جىلدان بەرى قاتىسا باستادى. سول ۋاقىتتان 2015-جىلعا دەيىن جەرلەستەرىمىز جالپى 44 مەدال ەنشىلەدى. ونىڭ 18 ءى - التىن، 13 ءى - كۇمىس، 13 ءى قولا مەدالدار.

قازاقستان كومانداسى ۋنيۆەرسيادا ويىندارىندا ەڭ كوپ مەدالدى شاڭعى سپورتىنان ەنشىلەگەن. سپورتتىڭ بۇل تۇرىنەن 12 التىن، 8 كۇمىس، 10 قولا يەلەنسە، فريستايلدان 3 التىن، 1 كۇمىس، 1 قولا مەدال جەڭىپ العان.

ال شايبالى حوككەيدەن 1 التىن، 3 كۇمىس، 1 قولا، بياتلوننان 1 التىن، 1 كۇمىس جانە مانەرلەپ سىرعاناۋ سپورتىنان 1 التىن، 1 قولا مەدال جەڭىپ الدى.

ەستەرىڭىزگە سالا كەتەيىك، XXVIII قىسقى دۇنيەجۇزىلىك ستۋدەنتتەر ويىنى 29- قاڭتار مەن 8- اقپان ارالىعىندا الماتىدا وتەدى.

الاۋ ەستافەتاسى 25- قاڭتاردا استانا قالاسىنان باستاۋ الادى. سونىمەن قاتار بۇل ءراسىم بارلىق وبلىس ورتالىقتارىندا ءوز جالعاسىن تابادى. اتاپ ايتساق، القىزىل الاۋ 26- قاڭتاردا - وسكەمەن، پاۆلودار، كوكشەتاۋ، پەتروپاۆل، قوستاناي جانە قاراعاندىدا؛ 27- قاڭتاردا - اقتوبە، ورال، اتىراۋ جانە اقتاۋدا؛ 28- قاڭتاردا -  قىزىلوردا، شىمكەنت، تاراز جانە تالدىقورعان قالالارىندا تۇتانادى. 29- قاڭتاردا الاۋ الماتىعا جەتەدى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى