ءابليازوۆتىڭ ايەلى كۇيەۋىنىڭ تۇرمەدەن شىققاننان كەيىنگى سۋرەتىن جاريا ەتتى

«ازداپ شارشادىق، قالجىرادىق. الايدا باقىتتىمىز. بوستاندىقتىڭ العاشقى كۇنى!»، - دەپ جازدى ول.

ەسكە سالا كەتەيىك، فرانسيانىڭ مەملەكەتتىك كەڭەسى 9- جەلتوقساندا بۇرىنعى قازاقستاندىق بانكير، وپپوزيتسيالىق وليگارح مۇحتار ءابليازوۆتى رەسەيگە ەكستراديتسيالاۋ تۋرالى ۇكىمنىڭ كۇشىن جويدى.

كەيىن، مۇحتار ءابليازوۆتىڭ تۋىستارى مەن تانىستارى الەۋمەتتىك جەلىلەردە ونىڭ فرانسيادا بوساپ شىققانىن حابارلادى.

ايتا كەتەيىك، قازاقستاندىق «ب ت ا بانكتىڭ» بۇرىنعى باسشىسى مۇحتار ءابليازوۆ 2013-جىلدىڭ جازىنان بەرى فرانسيانىڭ وڭتۇستىگىندە ۋكراينا مەن رەسەيدىڭ قارجىلىق الاياقتىق تۋرالى ايىپتاۋى نەگىزىندە قاماۋدا وتىردى.

رەسەي مەن ۋكراينا فرانسيادان ونى قايتارۋدى سۇراعان. قازاقستان بيلىگى ءابليازوۆتى «بانكتىڭ 6 ميلليارد قارجىسىن جىمقىردى» دەپ ايىپتاپ، ىزدەۋ جاريالاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى