يزرايلدىڭ پرەمەر-ءمينيسترى قازاقستانعا ۇلكەن دەلەگاتسيامەن كەلمەكشى

«پرەمەر-مينيستر جۇبايىمەن بىرگە كەلەدى. ونىڭ جانىندا ۇلكەن دەلەگاتسيا بولادى. ولاردىڭ ىشىندە بۇقارالىق اقپارات قۇرالدارى، سونداي-اق 70 كە جۋىق بيزنەسمەن بار. ولار قازاقستان-يزرايل بيزنەس فورۋمىنا قاتىسادى. بىلۋىمشە، بۇل سوڭعى جىلدارى بولعان ەڭ ءىرى بيزنەس فورۋم بولماق»، - دەدى ەلشى.

ونىڭ سوزىنە قاراعاندا، ب. نەتانياحۋنىڭ الدىمەن اقورداعا بارىپ، مەملەكەت باسشىسى نۇرسۇلتان نازاربايەۆپەن كەزدەسەدى. كەيىن پارلامەنت سەناتىنىڭ توراعاسىمەن كەزدەسەتىنى جوسپارلانعان.

ال بيزنەس فورۋم اياسىندا ەكى ەلدىڭ پرەمەر-مينيسترلەرى ءوزارا كەزدەسپەكشى. «بيزنەسمەندەر بولسا، ناقتى ءتورت باعىت بويىنشا كەلىسسوزدەر جۇرگىزەدى. ولار - اۋىل شارۋاشىلىعى مەن سۋمەن قامتۋ، قاۋىپسىزدىك، دەنساۋلىق ساقتاۋ جانە ەنەرگەتيكا. ءدال وسى سالالار ەكى ەل اراسىنداعى ىنتىماقتاستىق بايلانىستارىنىڭ باسىمدى باعىتتارى بولىپ سانالادى»، - دەپ اتاپ كورسەتتى م. برودسكي.

ايتا كەتەيىك، 14- جەلتوقسان كۇنى يزرايلدىڭ پرەمەر-ءمينيسترى بينيامين نەتانياحۋ قازاقستانعا رەسمي ساپارمەن كەلەدى. بۇل سوڭعى 25 جىلدا يزرايل پرەمەر-ءمينيسترىنىڭ ورتالىق ازياعا جاسايتىن العاشقى ساپارى بولماق.

 ب. نەتانياحۋ الدىمەن ازەربايجانعا، كەيىن قازاقستانعا كەلەدى. «يزرايلدە قاۋىپسىزدىك شارالارىنا ەرەكشە كوڭىل بولىنەدى. سول سەبەپتى پرەمەر-مينيستر سىرتقا كوپ شىعا قويمايدى. ول قازاقستانعا عانا كەلەدى. ورتالىق ازيانىڭ باسقا مەملەكەتتەرىنە بارادى دەگەن جوسپار جوق»، - دەيدى م. برودسكي.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى