وتاندىق قولونەر شەبەرلەرى قازاقتىڭ بۇرىنعى جەكە گيگيەنا قۇرالدارىن جاساپ شىعاردى - فوتو

 سونىڭ ىشىندە قازاقتىڭ بۇرىنعى گيگيەنالىق قۇرالدارى دا بار، دەپ حابارلايدى قازاقپارات ءتىلشىسى.

 «كەيبىرەۋلەر كوشپەندىلەردى تازالىقتى ساقتاماعان، ناس حالىق دەپ ايتادى. ال، ەندى، مىنا ءبىر جۇزىكتى قاراڭىزشى. ول شاعىن ساندىق سياقتى. سونىڭ ىشىندە ءتىس شۇقىلاۋعا، قۇلاق پەن تىرناق تازاۋلاۋعا ارنالعان قۇرالدار ساقتالعان. قازاقتىڭ قىزدارى وسىنى سىرعا رەتىندە، ءيا بولماسا، بەلىنە تاعىپ جۇرەتىن. ونداي جۇزىكتەر ايەلدەردە عانا ەمەس، ەر ادامداردا دا بولعان»، - دەيدى قازاقستاننىڭ قولونەر شەبەرلەرى وداعىنىڭ ءتورايىمى ايجان بەكقۇلوۆا.

بۇدان بولەك، وتاندىق قولونەر شەبەرلەرى قازاقتا بولعان ەمىزىكتىڭ نۇسقاسىن جاساپ شىعاردى. ا. بەكقۇلوۆانىڭ ايتۋىنشا، بۇرىن ونىڭ ىشىنە قوي قۇيرىعىنىڭ مايىن سالىپ قوياتىن. بالا ەمىزىكتى سورعان كەزدە ماي ەرىپ، تۇتىكتەر ارقىلى شىعاتىن.

 «ال ۇلتتىق كيىم ۇلگىلەرىنە كەلەر بولساق، ءبىز قازاقتىڭ بۇرىنعى بەلدەمشەسىن قايتا شىعاردىق. ونى تۇرمىسقا شىققان كەلىنشەكتەر كيەتىن. بەلدەمشەنى كويلەكتىڭ ۇستىنە كيەدى. ول بۇيرەك پەن بەلدى سۋىقتان قورعايدى. مەنىڭشە، قازاقتىڭ ايەلدەرى وسىنى كيۋى ءتيىس»، - دەپ اتاپ كورسەتتى ا. بەكقۇلوۆا.

 الداعى دەمالىس كۇندەرى، 17-18 - جەلتوقساندا استاناداعى «كەرۋەن» ساۋدا ورتالىعىندا «شەبەر- كەرۋەن» فەستيۆالى وتەدى. سونىڭ اياسىندا ەلىمىزدىڭ ۇزدىك قولونەر شەبەرلەرى جاساعان بۇيىمداردىڭ جارمەڭكەسى ۇيىمداستىرىلادى. بۇدان بولەك، «شەبەر - 2016» اتتى رەسپۋبليكالىق بايقاۋدىڭ جەڭىمپازدارى ماراپاتتالىپ، ءسان ديزاينەرلەرىنىڭ كيىم كورسەتىلىمى، تەگىن شەبەرلىك ساعاتتار جانە تاعى باسقا مادەني شارالار وتەدى.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى