تاۋەلسىزدىك مەرەكەسى كۇندەرى جىلدىڭ ۇزدىك قولونەر شەبەرلەرى ماراپاتتالادى

 فەستيۆال بارىسىندا «شەبەر - 2016» اتتى رەسپۋبليكالىق بايقاۋدىڭ جەڭىمپازدارى ماراپاتتالادى. بۇدان بولەك، ۇلتتىق ديزاينەرلەردىڭ كيىم توپتامالارىنىڭ كورسەتىلىمى، تەگىن شەبەرلىك ساعاتتار جانە تاعى باسقا مادەني شارالار وتەتىن بولادى.

 «بۇگىندە ەلىمىزدىڭ ءاربىر ايماعىندا 100-200 مىقتى دەگەن قولونەر شەبەرى بار. ولار بارلىق شارالارعا بەلسەنە قاتىسىپ كەلەدى. ال «شەبەر- كەرۋەنى» ءبىز ءۇشىن ماڭىزدى شارالاردىڭ ءبىرى. سەبەبى ول جەردە ۇلتتىق قولونەر سالاسىنداعى جۇمىستىڭ قورىتىندىسى جاسالىپ، ۇزدىك دەپ تانىلعان شەبەرلەر ماراپاتتالادى. سونداي- اق ءوزارا تاجىريبە الماسىپ، كىم قانداي جەتىستىككە جەتكەنىن كورۋگە مۇمكىندىك بار»، - دەدى قازاقستان قولونەر شەبەرلەرى وداعىنىڭ ءتورايىمى ايجان بەكقۇلوۆا بۇگىن استانادا وتكەن باسپا ءسوز ءماسليحاتىندا. وداق باسشىسىنىڭ ايتۋىنشا، بۇگىندە قولونەر سالاسىندا قازاقستاندىق شەبەرلەرگە قىرعىز، وزبەك، ءتىپتى قىتاي شەبەرلەرىمەن باسەكەگە تۇسۋگە تۋرا كەلى وتىر. سوندىقتان ۇيىم باسشىلىعى قولونەر بۇيىمدارىنىڭ ساپاسىنا باسا نازار اۋدارۋ قاجەت دەپ سانايدى.

«مەن قازاقستانعا سىرتتان كەلەتىن قولونەر بۇيىمدارى ساپالى دەپ ايتا المايمىن. سول سەبەپتى قازاقستاندىق شەبەرلەر وسى سالانى تولىعىمەن وزدەرىنە قاراتا الادى»، - دەيدى ا. بەكقۇلوۆا.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى