ساۋد ارابياسى مۇناي ءوندىرۋ كولەمى جاعىنان كوش باستاپ تۇر

رەيتەر اگەنتتىگى بولسا، ءوزىنىڭ حالىقارالىق ۇيىمداعى دەرەك كوزىنە سىلتەمە جاساي وتىرىپ، قاراشا ايىندا ساۋد ارابياسىنداعى وندىرىلگەن مۇناي كولەمى تاۋلىگىنە 10,72 ميلليون باررەلگە جەتكەندىگىن حابارلادى.

كورولدىكتە «قارا التىن» ءوندىرۋ وسىمەن ەكىنشى رەت ەڭ ۇلكەن كورسەتكىشتى كورسەتىپ وتىر. شىلدە ايىنا ءبىر تاۋلىكتە وندىرىلگەن مۇناي مولشەرى 10,67 ميلليون باررەلگە جەتكەن. وپەك ۇيىمىنىڭ تاعى ءبىر دەرەك كوزىنىڭ مالىمەتتەرى بويىنشا، مۇناي ءوندىرۋ يراكتا دا ارتا ءتۇسىپ، كۇن سايىن ولار 4,8 ميلليون باررەل كومىرتەگى ءوندىرىپ وتىرعان كورىنەدى (سالىستىرمالى تۇردە العاندا قازان ايىندا بۇل ەل تاۋلىگىنە 4,7 ميلليون باررەل مۇناي ءوندىردى).

ساۋد ارابياسى وپەك ۇيىمىنا مۇشە ەڭ ءىرى مۇناي ءوندىرۋشى ەل رەتىندە ءوندىرىس كولەمىن تاۋلىگىنە 10,05 ميلليون باررەلگە جەتكىزەتىنى جونىنە ۇيىمعا مۇشە وزگە ەلدەردىڭ الدىندا ۋادە بەرگەن.

بۇنداي ۋاعدالاستىققا 30 قاراشى كۇنى جاسالعان كەلىسىم بويىنشا قول جەتكىزىلدى. مۇنايدى قاراشا ايىندا رەكوردتى كولەمدە ءوندىرۋ بۇل ەلگە موينىنا العان جاۋاپكەرشىلىكتى 2017-جىلدىڭ قاڭتارىنان باستاپ-اق جۇزەگە اسىرۋ ءۇشىن بۇل اسكە ايتارلىقتاي كۇش سالۋ قاجەت بولاتىندىعىن كورسەتەدى.

وتكەن سەنبىدە رەسەيدى قوسا العاندا مۇناي تاسىمالداۋشى مەملەكەتتەردىڭ ۇيىمىنا كىرمەيتىن ەلدەردىڭ وكىلدەرى باس قوسىپ، مۇناي باعاسىن تۇراقتاندىرۋ ماقساتىندا ءوندىرىس كولەمىن قىسقارتۋ جونىندە كەلىسىمگە كەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى