ەليزابەت تۇرسىنبايەۆا مانەرلەپ سىرعاناۋدان قازاقستان چەمپيوناتىن جەڭىپ الدى

جارىسقا 80 گە جۋىق مانەرلەپ سىرعاناۋشىلار قاتىسقان. ولار ەلىمىزدىڭ بارلىق ايماقتارىنان جانە شەتەلدەردەن كەلىپ، مانەرلەپ سىرعاناۋدىڭ ءۇش باعىتى بويىنشا ونەر كورسەتتى.

سپورت شەبەرلەرىنىڭ اراسىنان باستاپقى ەكى باعدارلامانىڭ قورىتىندىلارى بويىنشا، قىزدار اراسىندا ءبىرىنشى ورىندى ايتارلىقتاي الشاقتىقپەن ەليزابەت تۇرسىنبايەۆا (216,46) جەڭىپ الدى.

ودان كەيىنگى ورىنداردا كەلە جاتقان الماتىلىق ايزا يمانبەك پەن الەكساندرا سايۋتينا 135,11 جانە 123,41 ۇپايدان جيناپ، ەكىنشى جانە ءۇشىنشى ورىنداردى جەڭىپ الدى.

ەر بالالار اراسىندا ۇزدىكتەردىڭ قاتارىن 150,48 ۇپايمەن الماتىلىق ارتۋر پانيحين باستادى. ونىڭ ءىزىن الا (132,13) ۇپايمەن قاراعاندىلىق مەليس حاكيموۆ كەلسە، استانالىق نيكيتا مانكو (129,92) ۇپايمەن ءۇشىنشى ورىندى قاناعات تۇتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى