شىمكەنتتە وتاندىق تاۋار وندىرۋشىلەر كورمەسى ءوتىپ جاتىر
وندا وبلىس اۋماعىنداعى ەڭ ۇزدىك 70 تەن استام كاسىپورىننىڭ ونىمدەرى قويىلعان.
وڭتۇستىكتە توقىلاتىن كىلەم، توقىما، فارماتسيەۆتيكا مەن مەديتسينالىق قۇرال- جابدىقتار جانە اۋىلشارۋاشىلىق ونىمدەرىنە دەيىن بار.
تاۋاردىڭ باسىم بولىگى يندۋستريالداندىرۋ باعدارلاماسى شەڭبەرىندە ىسكە قوسىلعان زاۋىتتاردا جاسالعان. باعدارلاما اياسىندا 164 جوبا جۇزەگە اسىرىلعان. ال جىل سوڭىنا دەيىن تاعى 16 كاسىپورىن ىسكە قوسىلماق. قازاقستاندا شىعارىلاتىن دارىلەردىڭ %50 ى وسى وڭتۇستىكتە وندىرىلەدى. كورمەگە كەلگەن كوپشىلىكتى اسىرەسە ەلىمىزدەگى جالعىز كۇركەتاۋىق ەتىن وندىرەتىن كاسىپورىن ونىمدەرى قىزىقتىردى. زاۋىت جۇمىرتقادان باستاپ 85 ءتۇرلى ءونىم شىعارادى. ونىڭ باسىم بولىگى ەكسپورتتالادى.
مۇرات تاعايەۆ، سەرىكتەستىك ديرەكتورى:
- ءبىز، بىرىنشىدەن، ءوزىمىزدىڭ ءونىمىمىزدىڭ باسەكەگە قابىلەتتىلىگىن جوعارىلاتتىق. جانە ءونىم ساپاسىن ارتتىردىق. 5 جىلداعى ەڭبەكتىڭ ناتيجەسىن، جەمىسىن ەلباسى قولىنان العان «التىن ساپا» ارقىلى سەزىندىك.
مارات قارابايەۆ، وبلىستىق كاسىپكەرلىك، ي ي د جانە تۋريزم باسقارماسىنىڭ باسشىسى:
- وسى يندۋستريالاندىرۋ باعدارلاماسى باستالعان ۋاقىتتا، ياعني 2010 -جىلى ءبىزدىڭ ونەركاسىپتىڭ كولەمى %15 بولعان. ال، قازىر ول ەكى ەسە ءوسىپ وتىر. ياعني 2015 -جىلدىڭ قورىتىندىسى بويىنشا ونەركاسىپتىڭ ىشكى ونىمدىلىگىنىڭ كولەمى %28 دى قۇرادى.
