ەردوعان ىستامبۇلداعى لاڭكەستىككە بايلانىستى قازاقستانعا ساپارىن كەيىنگە قالدىردى

بۇل تۋرالى «انادولۋ اگەنتتىگى» حابارلادى. اگەنتتىكتىڭ اقپاراتىنا سايكەس، تۇركيا پرەزيدەنتى 11-12 -جەلتوقساندا مەملەكەت باسشىسى نۇرسۇلتان نازاربايەۆتىڭ شاقىرتۋىمەن قازاقستانعا كەلمەكشى بولعان.

ەسكە سالساق، ىستامبۇلدا «بەشيكتاش» - «بۋرساسپور» ويىنىنان كەيىن ەكى جارىلىس ورىن الدى. بيلىك دەرەكتەرىنە سۇيەنسەك، الدىمەن «ۆودافون- ارەنا» ستاديونى ماڭىندا جارىلعىش زات قويىلعان كولىك جارىلدى، 45 سەكۋندتان كەيىن ساياباقتا لاڭكەس جانكەشتى ءوزىن جارىپ جىبەردى.

سوڭعى دەرەكتەرگە سايكەس شابۋىل سالدارىنان 29 ادام - 27 پوليتسەي، ەكى قاراپايىم ادام قايتىس بولدى. 166 ادام جاراقات الدى. لاڭكەستىككە بايلانىستى توعىز ادام ۇستالدى. 11 -جەلتوقساندا تۇركيادا ازا تۇتۋ كۇنى جاريالاندى.

لاڭكەستىك جاعدايعا بايلانىستى قازاقستان پرەزيدەنتى ن. نازاربايەۆ ت ر پرەزيدەنتى رەدجەپ تايىپ ەردوعانعا كوڭىل ايتۋ جەدەلحاتىن جولدادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى