قازاقستاندىق فيلمدەر ءۇندىستاندا كورسەتىلەدى

فەستيۆال شەڭبەرىندە «قازاق فيلم» كينوستۋدياسىنىڭ ءار جىلدارى تۇسىرىلگەن فيلمدەرى كورسەتىلەدى، اتاپ ايتساق: «كەلىن» (رەج. ە. تۇرسىنوۆ)، «شال» (رەج. ە. تۇرسىنوۆ)، «ستۋدەنت» (رەج. د. ومىربايەۆ)، سونداي- اق ق ر مادەنيەت جانە سپورت مينيسترلىگى تاپسىرىسى بويىنشا «ساق» ستۋدياسى تۇسىرگەن «قازاق ەلى» انيماتسيالىق فيلمى (رەج. ب. داۋرەنبەكوۆ).

سونىمەن قاتار، فەستيۆال شەڭبەرىندە سەرىك اپرىموۆتىڭ «اڭشى» جانە «باۋىر» فيلمدەرى كورسەتىلەدى. بۇل كارتينالاردى ءۇندى كورەرمەندەرىنە رەجيسسەردىڭ ءوزى تانىستىراتىن بولادى.

ايتا كەتەتىن جايت، سەرىك اپرىموۆ فەستيۆالدىڭ حالىقارالىق قازىلار القاسىنىڭ قۇرامىنا كىرىپ، بەلگيالىق رەجيسسەر ميشەل حلەيفي (قازىلار القاسىنىڭ ءتوراعاسى)، ءۇندىستاننىڭ تەاتر جانە كينو اكتريساسى سيما بيسۆاس، يراندىق اكتريسا باران كوساري جانە فەستيۆالدىڭ باعدارلامالار ديرەكتورى پەدرو پيمەنتامەن بىرگە فەستيۆالدىڭ ۇزدىك فيلمىن انىقتايتىن بولادى.

حالىقارالىق قازىلار القاسىمەن قاتار كينوسىنشىلاردان قۇرالعان - فيپرەسسي جانە نەتپاك قازىلار القاسى دا جۇمىس ىستەيدى. بيىل فەستيۆال بارىسىندا 62 مەملەكەتتەن كەلگەن 185 كارتينالار كورسەتىلەدى. 1996 -جىلدان بەرى وتكىزىلىپ جاتقان حالىقارالىق ءۇندى كينوفەستيۆالى ءۇندىستاندا وتكىزىلىپ جۇرگەن ماڭىزدى مادەني ءىس- شارالاردىڭ ءبىرى.

بايقاۋدىڭ ۇيىمداستىرۋشىلارى - كەرالا شتاتىنىڭ مادەنيەت مينيسترلىگىنىڭ قولداۋىمەن «Chalachitra» كينواكادەمياسى. فەستيۆال حالىقارالىق كينوپروديۋسەرلەر اسسوتسياتسياسى فەدەراتسياسىندا 1999 -جىلى تىركەلگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى