استانا اكىمى تەز ارادا ەمدەۋ مەكەمەلەرىن رەتكە كەلتىرۋدى تاپسىردى - فوتو

قالا تۇرعىندارىنان شاعىمداردىڭ كوپ تۇسۋىنە بايلانىستى استانا اكىمى №1 -قالالىق بالالار اۋرۋحاناسىندا كوشپەلى وتىرىس وتكىزدى. وتىرىس بارىسىندا اۋرۋحانالارعا كولىكتەردىڭ كىرە الماۋى، مەكەمەگە اپاراتىن جاياۋ جۇرگىنشىلەر جولدارىنىڭ جاعدايى، وسى اۋدانداردا جىلى ايالداما پاۆيلوندارىنىڭ بولماۋى جانە ت. ب. ماسەلەلەر قارالدى.

ەلوردا باسشىسى اسەت يسەكەشەۆ «الماتى» اۋدانىنىڭ اكىمدىگىنە قارجى قاراستىرىپ، №1 -قالالىق اۋرۋحانانىڭ ورتالىق اۋلاسىن اباتتاندىرۋدى قامتاماسىز ەتۋدى، از ۋاقىتتىڭ ىشىندە الەۋمەتتىك نىسانداردىڭ (اۋرۋحانالار، مەكتەپتەر، بالاباقشالار، كوللەدجدەر، ۋنيۆەرسيتەتتەر جانە ت. ب. ) اۋماعىنداعى جاياۋ جۇرگىنشىلەر جولدارىنا، تروتۋارلارعا قوسپالار سەبۋ جۇمىستارىن جۇرگىزۋدى؛ ءۇ. ج. 12 -جەلتوقسانىنا دەيىن الەۋمەتتىك نىساندار اۋماعىن سانيتارلىق تازارتۋ جانە وسى سياقتى ماسەلەلەردى انىقتاۋ بويىنشا تەكسەرۋ جۇرگىزۋدى؛ ەلوردالىق ىشكى ىستەر دەپارتامەنتىنە الەۋمەتتىك ماڭىزدى نىسانداردىڭ جانىندا جول بەلگىلەرىن قويۋ سىزباسى مەن لوگيستيكاسىن قايتا قاراۋدى تاپسىردى.



«قالالىق قىزمەتتەردىڭ بارلىق كۇشى ەلوردا تۇرعىندارىنا جايلى جاعداي جاساۋعا باعىتتالۋى كەرەك»، - دەدى اكىم.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى