تۇركيا كونستيتۋتسياسىنا وزگەرىستەر ەنگىزۋدى كوزدەپ وتىر
زاڭ جوباسىنا سايكەس، تۇركيا فرانسيا سياقتى پرەزيدەنتتىك رەسپۋبليكا بولادى. پرەزيدەنت ەردوعان پرەزيدەنت بولىپ سايلانعاننان كەيىن كوپ ۇزاماي ەكى جىل بۇرىن وسىنداي رەفورما جۇرگىزۋ قاجەتتىگىن ايتقان.
بۇل باستامانىڭ قارسىلاستارى كونستيتۋتسيانى وزگەرتىپ، باسقارۋ بيلىگى ءبىر ادامنىڭ قولىنا وتسە، جاپپاي تۇتقىنداۋ ورىن العان شىلدەدەگى كوتەرىلىس ارەكەتى قايتالانۋى مۇمكىن دەپ بولجايدى. وزگەرىستى جاقتايتىندار ەل باسقارۋ جۇيەسىن جەڭىلدەتەتىنىن ايتادى. ەردوعان ءوزى ەگەر پارالامەنت كونستيتۋتسياعا وزگەرىستى ماقۇلداسا، بۇل ماسەلە 2017 -جىلى رەفەرەندۋمعا شىعارىلاتىنىن جاريالادى. تۇركيا پرەمەر-ءمينيسترى بينالي يىلدىرىم كونستيتۋتسياعا ەنگىزىلەتىن تۇزەتۋلەر ەلدى توڭكەرىس ارەكەتىنەن قۇتقاراتىنىن حابارلادى.
