قانات يسلام دۇنيەجۇزىلىك بوكس رەيتينگىندە ءتورتىنشى ورىنعا كوتەرىلدى

بۇل - 32 جاستاعى قازاقستاندىقتىڭ ۇزدىك ناتيجەنى قايتالاۋى. ول تامىزداعى رەيتينگتە دە ءتورتىنشى ورىنعا تۇراقتاعان بولاتىن، كەيىننەن قىركۇيەك پەن قازاندا بەسىنشى ورىنعا ءتۇستى. ءبىرىنشى اۋىر سالماقتاعى يسا اقبەربايەۆ (18-0-0) رەيتينگتە 15- ورنىن ساقتاپ قالدى. 24 -جەلتوقساندا كيەۆتە تيتۋلدىق جارىس وتكىزەتىن بوكسشى تامىزدا توپ-15 تىككە كىرگەن. سودان بەرى ورنى وزگەرگەن جوق. جارتىلاي ورتا سالماقتاعى 26 جاستاعى جانقوش تۇراروۆ (20-0-0) ءۇش ساتىعا جوعارى كوتەرىلدى. اقپاننان باستاپ ول 14 تەن 15 كە، سوسىن كەرى وزگەرگەن. قاراشاداعى رەيتينگتە 11- ورىندى يەلەندى.

جەڭىل سالماقتاعى 33 جاستاعى جانات جاقيانوۆ (26-1-0) WBA «ۋاقىتشا» چەمپيونى بەلدىگىن ساقتاپ، ۇمىتكەرلەر تىزىمىندە ءبىرىنشى ورىندا. وسى جىلى ول جاراقاتى سالدارىنان رينگكە شىقپادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى