جاقسىبەكوۆ توقايەۆقا: ءسىز استاناعا جۋىنۋعا كەلدىڭىز بە؟
ينتەرنەتتە ق ر پارلامەنتى سەناتىنىڭ ءتوراعاسى قاسىم- جومارت توقايەۆ پەن ق ر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆكە قاتىستى قىزىقتى ۆيدەو جاريالاندى.
وندا قاسىم- جومارت توقايەۆ ق ر پارلامەنتى استاناعا قالاي كوشىپ كەلگەنىن ەسىنە الادى. ول كەزدە باس قالانىڭ اكىمى ادىلبەك جاقسىبەكوۆ بولاتىن.
«1997 -جىلى وسىندا كوشىپ كەلدىك. مەن «يشيم» قوناق ۇيىنە تۇراقتادىم. قوناق ءۇيدىڭ قازىرگى اتاۋى «ەسىل». ءبىراز ۋاقىت وتكەننەن كەيىن قوناق ۇيدەگى سۋ توقتاپ قالدى. ىستىق سۋ جوق، ال سۋىق سۋ (كراننان - رەد.) ءالسىن- ءالسىن اعىپ تۇر. مەن ادىلبەك رىسكەلدى ۇلىنا (جاقسىبەكوۆ - رەد. ) تەلەفون سوقتىم. ادەكە، قوناق ۇيدە سۋ جوق دەدىم. وسىعان دەيىن باسقالار دا وسى سەبەپتى حابارلاسقان بولۋى كەرەك. ول ماعان: «ءسىز مۇندا جۋىنۋعا كەلدىڭىز بە؟»، - دەپ جاۋاپ بەردى»، - دەپ ەسىنە الدى سەنات ءتوراعاسى.
