قازاقستان ۆەناداعى كەزدەسۋدەن كەيىن مۇناي باعاسىنىڭ ءوسۋىن بولجايدى
«قازاقستان التى ايعا مۇنايدى ءوندىرۋدىڭ كولەمىن قىسقارتۋ جونىندەگى مۇناي وندىرەتىن ەلدەردىڭ ۇمتىلىستارىن قولدايدى. و پ ە ك ەلدەرىنىڭ باستاپقى جارتى جىلعا ءوندىرۋدى 3-4 پايىزعا جۋىق شەكتەۋ تۋرالى قابىلداعان شەشىمى مۇنايعا باعانىڭ 17 پايىزعا ءوسىمىن بەردى.
ەگەر قازىر 10 - جەلتوقسان كۇنى و پ ە ك- كە مۇشە ەمەس ەلدەر ءتيىستى شەشىم قابىلدايتىن بولسا، وندا مۇناي باعاسى ارى قاراي وسەتىنىن بولجاپ وتىرمىز. بۇل ءوز كەزەگىندە قازاقستاننىڭ، سونداي- اق مۇناي وندىرەتىن كومپانيالاردىڭ تابىسىنا قولايلى اسەر ەتەدى»، - دەدى بوزىمبايەۆ. ءمينيستردىڭ پايىمىنشا، مۇناي ءوندىرۋدى شەكتەۋ قازاقستان ءۇشىن پروبلەمالار تۋدىرمايدى.
ەستەرىڭىزگە سالا كەتەيىك، 2016 -جىلدىڭ 10 - جەلتوقسانىندا ۆەنادا و پ ە ك- كە مۇشە ەمەس ەلدەردىڭ كەزدەسۋى وتەدى. و پ ە ك مۇناي نارىعىنداعى جاعدايدى تۇراقتاندىرۋ ءۇشىن ۆەناعا ۇيىمعا مۇشە ەمەس 14 مەملەكەتتىڭ وكىلدەرىن شاقىردى. سونىمەن قاتار اعىمداعى ايدىڭ باسىندا ق ر ەنەرگەتيكا مينيسترلىگى قازاقستان الەمدىك مۇناي قاۋىمداستىعىنىڭ مۇنايدى ءوندىرۋدىڭ كولەمىن قىسقارتۋ جونىندەگى ۇمتىلىستارىن قولدايتىنىن مالىمدەگەن بولاتىن.
اۆتور: رۋسلان عابباسوۆ
