ءابىلازوۆتىڭ تاعدىرىن فرانسۋز سوتى شەشەدى
بۇدان بۇرىن حابارلانعانداي، ب ت ا- بانكتىڭ بۇرىنعى باسشىسى مۇحتار ءابىلازوۆ قازاقستاندا، رەسەيدە، ۋكراينادا 11 باپ بويىنشا ايىپتالعان.
2009 -جىلعى 6 - ناۋرىزدا ابىلازوۆكە حالىقارالىق ىزدەۋ جاريالاندى، ويتكەنى ول ق ر قىلمىستىق كودەكسىنىڭ 235-باپ 4-بولىگى، 176-باپ 3-بولىگى، 177-باپ 3-بولىگى، 193-باپ 3-بولىگى، 220-باپ 1-بولىگى، 228-باپتاردا كوزدەلگەن قىلمىستى جاساعانى ءۇشىن ايىپتالدى. ءابىلازوۆ فرانسيادا 2013 -جىلعى 31 - شىلدەدە ۇستالدى.
The Real Deal ۆەب- پورتالىنىڭ حابارلاۋىنشا، امەريكاندىق بيزنەسمەن جانە Chetrit Group كومپانياسىنىڭ تەڭ يەسى دجو چەتريت قازاقستاننان ەكى سىبايلاسىمەن بىرگە ۇيىمداسىپ، اقشانىڭ ءىزىن جاسىرۋدىڭ حالىقارالىق كەستەسىنە قاتىستى دەپ ايىپتالىپ وتىرعانى بەلگىلى بولدى. اتالعان كەستەنىڭ اياسىندا چەتريت الماتىنىڭ بۇرىنعى اكىمى ۆيكتور حراپۋنوۆ پەن «ب ت ا بانكىنىڭ» بۇرىنعى باسشىسى مۇحتار ءابىلازوۆتىڭ نيۋ- يورك قالاسىندا جىلجىمايتىن مۇلىكتى ساتىپ الۋىن ۇيىمداستىرىپ، سول ارقىلى 40 ميلليونعا جۋىق دوللاردى جىلىستاتۋعا كومەكتەستى.
دۇيسەنبىدە الماتى قالاسى مەن «ب ت ا بانك» مانحەتتەن سوتىنا تالاپ ارىز بەردى. ب ت ا بانك، الماتى قالاسىنىڭ اكىمدىگى جانە قازاقستان رەسپۋبليكاسى ادىلەت مينيسترلىگىنىڭ بىرلەسكەن جۇمىس ناتيجەسىندە ا ق ش- تا م. ءابىلازوۆ پەن ۆ. حراپۋنوۆتىڭ قىلمىستىق توبى ۇرلاعان ونداعان ميلليون دوللار بۇعاتتالدى. جۇمىسىن قازاقستان ادىلەت مينيسترلىگى ۇيلەستىرگەن زاڭگەرلىك كەڭەسشى سوتتى نيۋ- يوركتەگى فەدەرالدىق سوت وسى ماسەلە بويىنشا تالقىلاۋ ءۇشىن قۇزىرەتتى ورگان بولىپ تابىلاتىنىنا سەندىردى. ءىستى توقتاتۋ بويىنشا جاۋاپكەرلەردىڭ بارلىق دالەلدەرىن سوت قابىلدامادى. وسىلايشا، ا ق ش- تان زاڭسىز اقشا اكەتۋ ارەكەتىنىڭ جولى كەسىلدى.
