جاڭا يندۋستريالاندىرۋ پاۆلودار وبلىسىنىڭ اكىمى ءوز ارمانىمەن ءبولىستى
«مەن اقسۋدا اكىم بولىپ جۇمىس ىستەگەن كەزدە ءار جاقتان كوپىر وتكەلىنىڭ العاشقى باعانىن قاققان بولاتىنمىن، - دەدى اكىم جۋرناليستەرگە. - سول كەزدە وبلىس اكىمىنە كوپىر وتكەلىنىڭ قۇرىلىسىن اياقتاپ، پاۆلودارعا كەلسەم دەگەن ەدىم. بىزگە بۇل قۇرىلىستىڭ قاجەتى قانشا دەگەن ساۋال تۋىندايدى. سەبەبى، ەرتىس ارقىلى وتەتىن جالعىز كوپىر وتكەلى جۇك تاسىمالىن كوتەرە المايدى. اقسۋ پاۆلودار ءۇشىن اگلومەراتسياعا اينالدى جانە بارلىق سالا بويىنشا دامي تۇسەدى. ول جاققا قالالىق كولىكتەر جىبەرىلەدى. قازىردىڭ وزىندە ەكى قالا اراسىندا بارىپ كەلىپ جۇمىس ىستەيتىن ادامدار قانشاما. اقسۋدا قۇرىلىس ءۇشىن ءبىرتالاي ورىن بار. 14 -جەلتوقسان كۇنى بارلىقتارىڭىزدى كوپىردىڭ اشىلۋىنا شاقىرامىن. نىسان 100 پايىزعا دايىن». ايماق باسشىسىنىڭ باياناۋىلعا تۋريستەردى تارتۋ تۋرالى ەكىنشى ارمانى رەسپۋبليكالىق ب ا ق- تا جاريالانعان بولاتىن.
«مەن جۋىردا قانشا اكىمنىڭ باياناۋىل اۋدانىن تۋريستىك ورتالىققا اينالدىرۋدى ارمانداعانى تۋرالى وقىدىم، - دەپ بولات باقاۋوۆ ratel ينتەرنەت- پورتالىندا شىققان ماقالا تۋرالى ءوز ويىمەن ءبولىستى. - جۋىردا تاعى دا سول جاققا بارىپ، اقساقالدارمەن سويلەسەمىن. ءبىزدىڭ پىكىر الماساتىن ورتاق تاقىرىبىمىز بار. بيىل اۋداننىڭ دامۋىنا شامامەن بەس ميلليارد تەڭگە بولىنەدى. ونىڭ جارتىسى تولىعىمەن سۋ قۇبىرىنىڭ قۇرىلىسىن جاڭارتۋعا جۇمسالادى. باياناۋىلدا پاۆلودار مەن قاراعاندى، استانا قالالارىن بىرىكتىرەتىن شاڭعى كۋرورتى، شاعىن اۆياتسيا جۇمىسىن باستايدى. قازىردە جەكە مەنشىك كومپانيالار قىزىعۋشىلىق بىلدىرۋدە».
سونىمەن قاتار، اكىم سارى ارقا شاعىن اۋدانىنىڭ بوي كوتەرۋىنە قۋانىشتى ەكەنىن اتاپ ءوتتى. «پاۆلودار قالاسىنىڭ اكىمى بولىپ جۇمىس ىستەگەن كەزدە بيۋدجەتپەن قيىندىق بولدى، - دەپ ەسكە الادى بولات باقاۋوۆ. - 600 ميلليون تەڭگە وبلىسقا، قار تازالاۋعا الدى. كەلەسى جىلى ەسەپتەسەسىڭ دەگەن بولاتىن. ەڭبەك اقىعا جەتپەي قالاتىن كەزدەر بولدى. ەندى وبلىس ورتالىعىنىڭ دامۋىنا جەتى ميلليون تەڭگەدەن استام قارجى بولەمىز. مەن پاۆلودارلىقتارمەن بىرگە باسقا وبلىس تۇرعىندارىنان ەرەكشە بولۋ ءۇشىن بار كۇش- جىگەرىمدى جۇمسايمىن. ءبىز وتە تاتۋمىز. مەملەكەت باسشىسى بيىل ەكى رەت ءبىزدىڭ وبلىسقا بەكەر كەلمەدى»، - دەدى اكىم.
