ءانشى گاۋھار الىمبەكوۆا تۇرمىس قۇردى
ءانشى- كومپوزيتور گاۋھار الىمبەكوۆا تۇرمىس قۇردى، بۇل تۋرالى ول 31 -ارناداعى «ۇيات ەمەس» باعدارلاماسىندا جاريالادى.
باعدارلاما جۇرگىزۋشىسى سالتانات قاليەۆا انشىدەن وسى ۋاقىتقا دەيىن تۇرمىس قۇرماۋ سەبەبىن سۇراعاندا: «كىم ايتتى مەنى تۇرمىس قۇرماعان دەپ؟» دەپ جاۋاپ بەردى.
باعدارلاما بارىسىندا، الىمبەكوۆا جاقىندا ءوزىنىڭ قالاۋىنداعى ادامعا تۇرمىسقا شىققانىن، الايدا تويىنىڭ ءالى بولماعانىنا بايلانىستى بۇقارا كوپشىلىككە جاريا ەتپەگەنىن ايتىپ، قولىنداعى نەكە ساقيناسىن كورسەتتى. ءوزىنىڭ بولاشاق جارىن جاقسى كورەتىنىن ءانشى 1 -ناۋرىزداعى كەزدەسۋىنەن كەيىن تۇسىنگەن. گاۋھار الىمبەكوۆا ءوز اندەرىنىڭ ورىنداۋشىسى. ونىڭ «اق كەلىن»، «كەلىنگە وسيەت»، «قىز سەزىمى»، «جازىعىم نە؟» تاعى باسقا كوپتەگەن اندەرى حالىقتىڭ كوڭىلىنەن شىقتى.
