قازاقستان ب ۇ ۇ قاۋىپسىزدىك كەڭەسىنىڭ مۇشەسى رەتىنە جاھاندىق دەڭگەيدە شەشىمدەر قابىلدايدى
بۇل تۋرالى بۇگىن ق ر تاۋەلسىزدىگىڭ 25 جىلدىعى مەن ادام قۇقىقتارىنىڭ حالىقارالىق كۇنىنە ارنالعان دوڭگەلەك ۇستەل بارىسىندا ەلىمىزدىڭ مەملەكەتتىك حاتشىسى گۇلشارا ءابدىقالىقوۆا ايتتى، دەپ حابارلايدى قازاقپارات.
«ادام قۇقىعى ەلىمىزدىڭ مەملەكەتتىك ساياساتىنىڭ باسىم باعىتى جانە ەڭ باستى قۇندىلىقتاردىڭ ءبىرى بولىپ تابىلادى. ۇلى دالا ەلىندە قۇقتىق مادەنيەت قالىپتاستىرۋدىڭ ءداستۇرلى تامىرى تەرەڭدە جاتقانى بەلگىلى. اتاپ ايتساق، عاسىرلار سىناعىنان وتكەن جەتى جارعى زاڭدار جيناعى ادامي قۇقىقتى ساقتاۋدا ايرىقشا ءرول اتقارىپ، 200 جىلداي قولدانىستا بولدى. سونداي- اق دالا دەموكراتياسىنا نەگىزدەلگەن بيلەر ينستيتۋتىنىڭ قىزمەتىنە رەسەيلىك، ەۋروپالىق زەرتتەۋشىلەر جوعارى ادىلدىكپەن ادامگەرشىلىككە نەگىزدەلگەن دانا سوت جۇيەسى دەگەن باعا بەرگەن بولاتىن»، - دەدى مەملەكەتتىك حاتشى.
ونىڭ اتاپ وتۋىنشە، تاۋەلسىزدىك جىلدارىندا قازاقستان ادام قۇقىقتارى مەن بوستاندىقتارىن قۇرمەتتەۋگە، ساقتاۋ مەن قورعاۋعا مىندەتتەمە الىپ، ب ۇ ۇ- نىڭ ادام قۇقىعىنا قاتىستى 60-تان استام حالىقارالىق كەلىسىمشارتتارىن راتيفيكاتسيالادى.
«قازاقستان شيرەك عاسىردا ب ۇ ۇ- نىڭ، ە ق ى ۇ- نىڭ، ي ى ۇ- نىڭ، ە ە ا و- نىڭ جانە باسقا دا كوپتەگەن حالىقارالىق ۇيىمداردىڭ بەدەلدى مۇشەسىنە اينالدى. كەلەسى جىلدان باستاپ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىنە جاھاندىق دەڭگەيدە شەشىمدەر قابىلدايتىن بولادى. بۇعان قوسا، 2016 - جىلى ق ر ءوزىنىڭ ادام قۇقىقتارى سالاسىندا قابىلداعان مىندەتتەمەلەرىنە بايلانىستى دايىندالعان 2 ۇلتتىق باياندامانى ب ۇ ۇ ادام قۇقىقتارى جونىندەگى كوميتەتى جانە كۇشتەپ جويىپ جىبەرۋدەن قورعاۋ كوميتەتىندە ءساتتى قورعاپ شىقتى»، - دەدى ءابدىقالىقوۆا.
اۆتور: مارلان جيەمباي
