قازاقستان اۋماعى شولەيتتەنىپ بارا جاتقان جوق - ابىشەۆ
«قۇمدى اۋماقتاردىڭ ۇلعايۋىنا قاتىستى ايتار بولسا، ءوز باسىم كوپتەگەن ساراپشىلارعا سەنبەيمىن. نەلىكتەن؟ سەبەبى ەرتىسكە قاتىستى وتە كوپ ساراپتامالىق قورىتىندى بار. مەن ساراپتامالىق قورىتىندىلارى زەردەلەپ، ساراپشىلارعا حابارلاسقان دا ەدىم. ولاردان: «ءسىز مۇنى قايدان جانە قانداي نەگىزگە سۇيەنىپ الدىڭىز؟» دەسەم، ولار قانداي دا ءبىر گازەتتە نەمەسە جۋرنالدا جاريا ەتىلگەن باسقا ساراپشىنىڭ مالىمەتتەرىنە سىلتەمە جاسايدى. ودان ارى قازبالاپ، اقىرى سوڭىندا دەرەك كوزىن تابا المادىق»، - دەدى ول ب ا ق وكىلدەرىنىڭ ساۋالىنا وراي.
ونىڭ ايتۋىنشا، قازاقستان جەرى قۇرعاقشىلىققا ۇشىراپ، شولەيتتەنىپ بارا جاتىر دەپ دابىل قاعاتىن ساراپشىلاردىڭ بىردە-ءبىرى شىنايى جاعدايدى بىلمەيدى.
«بىزدە، قازگيدرومەتتە 140 جىل بويعى ەرتىس وزەنىنە باقىلاۋ بار. اتالعان ساراپشىلاردىڭ بىردە-ءبىرى ونى كورمەگەن. ال ءبىراق، ولار ءبىر-بىرىنەن الىپ قورىتىندى جاسايدى. شولەيتتەنۋدىڭ ۇلعايىپ بارا جاتۋىنا قاتىستى ايتار بولسام، بۇعان دا مەن سەنە بەرمەيمىن»، - دەدى ابىشەۆ.
اۆتور: مارلان جيەمباي
