ەرتەڭ شارشى الاڭعا شىعاتىن كاسىپقوي قازاق بوكسشىسىنىڭ قارسىلاسى وزگەردى
وسىعان دەيىن جەرلەسىمىزدى پولشا جەرىندە لاتۆيالىق 20 جاستاعى ەدۋاردس گەراسيموۆسپەن جۇدىرىقتاساتىنىن جازعان بولاتىنبىز. الايدا، بوكس كەشىنە بىرەر كۇن قالعاندا احمەدوۆتىڭ قارسىلاسى وزگەرگەنى بەلگىلى بولدى.
ەندى جەرلەسىمىز گەراسيموۆپەن ەمەس، بەلارۋس بوكسشىسى ۋلادزيمير حاركيەۆيچپەن جۇدىرىقتاسادى.
ول كاسىپقوي بوكستا جالپى توعىز كەزدەسۋ وتكىزىپ، ەكەۋىندە نوكاۋتپەن جەڭسە، التاۋىندا جەڭىلگەن، ال ءبىر كەزدەسۋىندە تەڭ تۇسكەن.
ال ءبىزدىڭ جەرلەسىمىز ءالي احمەدوۆ سوڭعى جەكپە-جەگىن الماتىداعى قانات يسلام مەن پاتريك اللوتەي اراسىنداعى بوكس كەشىندە وتكىزگەن بولاتىن. وندا احمەدوۆ ازەربايجاندىق ماممەدوۆتى ءبىرىنشى راۋندتا جارىس جولىنان شىعارعان بولاتىن.
بۇل بوكس كەشىندە باستى جەكپە-جەك رەتىندە اۋستراليالىقتار كايا ماككەنزي مەن ديلانا ەمەري اراسىنداعى كەزدەسۋ وتپەك. قوس سپورتشى ورتا جەڭىل سالماقتا اۋستراليا چەمپيونى تيتۋلىن ساراپقا سالادى.
اۆتور: كۇنسۇلتان وتارباي
