ساۋساق ءىزىن تاپسىرعان قازاقستاندىقتارعا ۆيزانى جەڭىلدەتىلگەن تارتىپتە بەرەدى

«قازىرگى ۋاقىتتا قازاقستان ازاماتتارى ءۇشىن ەۋروپا مەملەكەتتەرىنە ۆيزا الۋ وتە قيىن. وندا شامامەن 20 قۇجات تاپسىرۋ قاجەت. نەگىزگى تالاپتاردىڭ ءبىرى - قۇجاتتاردىڭ قاۋىپسىزدىگى. ەگەر ءبىز حالىقارالىق ستاندارتتارعا ساي كەلەتىن بولساق، ۆيزانى جەڭىلدەتىلگەن تارتىپتە الامىز جانە قازاقستان ءۇشىن ۆيزاسىز رەجيم ەنگىزۋ ماسەلەسى دە قاراستىرىلاتىن بولادى»، - دەپ اتاپ ءوتتى «شىنتوبە» ديسكۋسسيالىق الاڭىندا «داكتيلوسكوپيالىق جانە گەنومدىق تىركەۋ تۋرالى» زاڭ جوباسىن تالقىلاۋ بارىسىندا ق ر ءى ءى م كوشى-قون پوليتسياسىنىڭ دەپارتامەنت باسشىسى سەرىك سايىنوۆ.

سونىمەن قاتار، سەرىك سايىنوۆتىڭ ءمالىم ەتكەنىندەي، داكتيلوسكوپيالىق تىركەۋدەن وتكەن قازاقستاندىقتار قازاقستان اۋماعىنا كىرگەن كەزدە نەمەسە شىققان كەزدە ءتول قۇجات تەكسەرىسىنەن وتپەيتىن بولادى. «ەلەكتروندىق قاقپالار ورناتىلادى، ادام ءوزىنىڭ ساۋساق ءىزىن باسىپ، ەمىن-ەركىن وتە الادى. دەمەك، ولار تەكسەرىستى «جاسىل ءدالىز» ارقىلى وتەدى»، - دەدى ول.

كوشى-قون پوليتسياسىنىڭ وكىلى كەلتىرگەن ماعلۇماتتار بويىنشا، ساۋساق ءىزىن تىركەۋدەن وتكىزگەن ازاماتتار ءتول قۇجاتتى جوعالتقان جاعدايدا، ونى تەز ارادا قالپىنا كەلتىرە الادى. ەسكە سالا كەتەيىك، كەشە، 7- جەلتوقساندا ق ر پارلامەنتى ءماجىلىسىنىڭ جالپى وتىرىسىندا پالاتا دەپۋتاتتارى «داكتيلوسكوپيالىق جانە گەنومدىق تىركەۋ تۋرالى» زاڭ جوباسىن ەكىنشى وقىلىمدا ماقۇلدادى.

زاڭ جوباسىندا داكتيلوسكوپيالىق جانە گەنومدىق تىركەۋدى جۇرگىزۋدىڭ قۇقىقتىق نەگىزدەرى بەلگىلەنگەن. سونىمەن قاتار وسى جوبادا تىركەۋدەن الىنعان اقپاراتتى ادامنىڭ جەكە باسىن راستاۋ جانە سايكەستەندىرۋ ءۇشىن پايدالانۋ ماسەلەلەرى دە ناقتى كورسەتىلىپ وتىر.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى