كانادا پارلامەنتىندە قازاقستانمەن دوستىق توبى قۇرىلادى
تاراپتار اڭگىمە بارىسىندا ەكىجاقتى بايلانىستاردىڭ وركەندەۋى مەن پارلامەنتارالىق قاتىناستاردىڭ دامۋى جايلى وي ءبولىستى، دەپ جابارلايدى ءماجىلىستىڭ باسپا ءسوز قىزمەتى.
ەلشى مەن پارلامەنتشى كەلە جاتقان جىلدى ىنتىماقتاستىق دەڭگەيىن ارتتىرا تۇسۋگە پايدالانۋ كەرەك دەگەن توقتامعا كەلدى. 2017-جىلى ەكى مەملەكەت اراسىنداعى ديپلوماتيالىق قاتىناستارعا 25 جىل تولادى، كانادا ءوزىنىڭ 150 جىلدىعىن تويلاسا، استانا ەكسپو-2017 حالىقارالىق كورمەسىن وتكىزەدى.
قازاقستان ب ۇ ۇ قاۋىپسىزدىك كەڭەسىنە تۇراقتى ەمەس مۇشەلىكتىڭ مىندەتتەرىن اتقارۋعا كىرىسەدى. سونىمەن قاتار جۇزدەسۋدە كانادا پارلامەنتىندە قازاقستان-كانادا پارلامەنتتىك دوستىق توبى قۇرىلاتىنى ءمالىم بولدى. تاراپتار بۇل پارلامەنتارالىق ۇندەسۋدىڭ ءوزارا ىنتىماقتاستىقتىڭ جاڭا ءبىر بەتىن اشاتىندىعىنا سەنەتىندىكتەرىن ءبىلدىردى.
كەڭ كولەمدە وتكەن كەزدەسۋدە ەكى جاق ەكونوميكا مەن باسقا دا سالالارداعى ىنتىماقتاستىقتى تەرەڭدەتە تۇسۋگە مۇددەلىلىك تانىتتى.
