شىعىس قازاقستاندا ءبىر اي بۇرىن جوعالعان قارت باقتاشى ىزدەستىرىلۋدە - فوتو
قاريانىڭ تۋىستارى 28 كۇننەن كەيىن عانا ىزدەۋگە كىرىسكەن. ارادا كوپ ۋاقىت وتكەندىكتەن ىزدەستىرۋ جۇمىستارى قيىنعا تۇسۋدە. ەر ادام ريددەر قالاسىنان 45 شاقىرىمداعى قىستاققا قايتىپ كەتكەن ەدى. بۇل جەردە تەلەفون بايلانىسىنىڭ جوق ەكەندىگىن اتاپ ءوتۋ قاجەت. جول ورتاسىندا ەر ادام تانىس ومارتاشىلاردا قونىپ شىققان. 2- قاراشادا ءارى قاراي كەتكەن. ءدال وسى كۇنى اۋا- رايى كۇرت وزگەرىپ كەتتى: جاۋىن جاۋىپ، سوڭى قارعا ۇلاستى. وسىدان بەرى ونى ەشكىم كورمەگەن. قاراشا ايىنىڭ سوڭىندا قىستاقتىڭ جانىندا كەتىپ بارا جاتقان اڭشىلار ءۇيدىڭ ەسىگى قۇلىپتاۋلى جانە مالداردىڭ ءوز بەتىمەن جايىلىپ جۇرگەنىن بايقاعان. 30 -قاراشادا ش ءو ا ج ق ج مەن ريددەر قالاسىنىڭ ت ج ب- عا اكەسىنىڭ جوعالعانى تۋرالى ۇلى حابار بەرگەن. جوعالۋى ىقتيمال جەرگە، كرولچاتنيك كەنتىنىڭ اۋماعىنا مامانداندىرىلعان قاردا جۇرەتىن تەحنيكا: «ترەكول»، ۋاز، قاردا جۇرگىش پەن سانى 6 ادامنان تۇراتىن جەدەل قۇتقارۋ جاساعىنىڭ توبى شىقتى.
ءبىرىنشى كۇننەن باستاپ اق قۇتقارۋ جاساعىنىڭ كۇشى ساكماريحا اۋىلىنا قاراي 14 شاقىرىمداعى جەتۋى قيىن تاۋلى- ورماندى جەرگە اتتاندىرىلدى.
جاقىن ماڭداعى ومارتاشىلار تەكسەرىلدى، شامامەن سول جەرگە 67 جاستاعى ازامات بارۋى مۇمكىن ەدى. باعىت الۋ جەرى بويىنشا جوعالعان ادامنىڭ توقتاۋى ىقتيمال جەرلەردىڭ ءبارىن تەكسەرىلدى. بۇل اعاشتار، بۇتالار، وزەن ساعالارى. ىزدەستىرۋدىڭ ەكىنشى كۇنى قۇتقارۋشىلارعا وتىمدىلىگى جوعارى «مارش» ەكى تەحنيكا مەن قۇتقارۋ جاساعىنىڭ تاعى ءتورت قىزمەتكەرى قوسىلدى. ىزدەستىرۋ جۇمىستارى كورچەۆ بۇلاعى اۋدانىندا، چەسنوكوۆكا وزەنىنىڭ جوعارى اعىسىندا جالعاستى، الايدا ىزدەۋ جۇمىستارى ناتيجەسىز بولدى.
ءۇشىنشى كۇنى قۇتقارۋشىلار تاتاركا تاۋى اۋدانىنداعى 32 شاقىرىمدا ورنالاسقان اڭشىلار ءۇيىن تەكسەردى، تۋىستارىنىڭ پايىمداۋلارىنشا سول جەردە تۇنەۋى مۇمكىن ەدى. ەكىنشى ءۇي گولۋشونوك تاۋىنان 22 شاقىرىمدا ەدى. بۇل جەردە دە ەش ناتيجە بەرمەدى. جەتۋى قيىن جەرلەردى تەكسەرۋ ناتيجە بەرمەدى.
قازىر ىزدەۋ جۇمىستارى جالعاسۋدا.
