توقايەۆ باستاعان پارلامەنتتىك دەلەگاتسيا قىتايدىڭ جوعارى تەحنولوگيا ورتالىعى - شىنجىندە بولدى
شىنجىندە سەناتورلار ءبىرقاتار يندۋستريالىق نىسانداردى ارالادى، ولاردىڭ ىشىندە قىتايدىڭ ءىرى «Huawei» تەلەكوممۋنيكاتسيا كومپانياسى، اۆتوموبيل جاسايتىن «BYD» جانە مونورەلستى «Skyrail» ترامۆاي جەلىسى كورپوراتسياسى بار. بۇل نىساندار كەزدەيسوق تاڭدالعان جوق - قازاقستان وسىلاي جوعارى تەحنولوگيالار، تەلەكوممۋنيكاتسيالار جانە قازىرگى زامانداعى كولىك قۇرالدارى سالاسى بويىنشا ىنتىماقتاستىققا ىقىلاس تانىتىپ وتىر. تۇستەن كەيىن قازاقستاندىق پارلامەنتشىلەر شىنجىن ۋنيۆەرسيتەتىندە بولدى.
ۋنيۆەرسيتەت رەكتورى لي چينچۋانمەن اڭگىمە بارىسىندا ەكىجاقتى، ونىڭ ىشىندە يننوۆاتسيالار مەن جوعارى تەحنولوگيالار سالاسىنداعى عىلىمي بايلانىستاردى دامىتۋ، عالىمدار مەن ستۋدەنتتەردى الماسۋدى ۇلعايتۋ مۇمكىندىكتەرى قارالدى. لي چينچۋان قىتاي مەن قازاقستان حالىقتارى اراسىنداعى دوستىق پەن ارىپتەستىكتى دامىتۋدا سەنات ءتوراعاسىنىڭ زور ۇلەسىنە توقتالىپ، ق. توقايەۆقا شىنجىن ۋنيۆەرسيتەتىنىڭ قۇرمەتتى پروفەسسورى اتاعىن بەردى. سەناتورلار ساپار بارىسىندا «مينياتيۋرا قىتاي» پاركى مەن ەتنوگرافيالىق اۋىلمەن تانىسۋدى دا كوزدەپ وتىر.
اۆتور: سەرىك قاراجان
