قازاقستان شەكارادا باقىلاۋ رەجىمىن كۇشەيتەدى

بۇل تۋرالى بۇگىن ق ر ىشكى ىستەر مينيسترلىگى جەدەل- كريميناليستىك دەپارتامەنت باسشىسىنىڭ مىندەتىن اتقارۋشى الىشەر مۇحامەدوۆ ءمالىم ەتتى، دەپ حابارلايدى قازاقپارات.

«شىنتوبە» ديسكۋسسيالىق الاڭىندا «داكتيلوسكوپيالىق جانە گەنومدىق تىركەۋ تۋرالى» زاڭ جوباسىن تالقىلاۋ بارىسىندا قازاقستاندىق بلوگەر دەنيس كريۆوشەيەۆ اتالمىش جۇيەنىڭ كەمشىلىكتەرىنە توقتالدى. ونىڭ سوزىنشە، ەلگە كىرگەن شەتەلدىكتەر ۇزاق كەزەكتە تۇرۋعا ءماجبۇر.

 «ءبىز ءتولقۇجات تەكسەرىسىنەن وتەمىز. تاماشا نارسە. سىزدەردە «بۇركىت» جۇيەسى كىدىرىپ، تۇرىپ قالاتىنى بار. ءتولقۇجاتقا ەنگىزىلگەن چيپتەر دە جۇمىس ىستەمەيدى. سىزدەردە ادامدار ءتولقۇجاتتى ارنايى سكانەرگە قويادى، ول بارلىعىنىڭ قۇجاتتارىن سكانەرلەپ الادى. بۇنىڭ ءوزى 7-10 مينۋت ۋاقىتتى الادى»، - دەدى كريۆوشەيەۆ.

 ءوز كەزەگىندە، الىشەر مۇحامەدوۆ «بۇركىت» جۇيەسى ق ر ۇلتتىق قاۋىپسىزدىك كوميتەتىنىڭ اقپاراتتىق بازاسى ەكەنىن ەسكە سالدى. دەگەنمەن ول بلوگەردىڭ سۇراعىنا جاۋاپ بەرۋگە تىرىستى. «قازىرگى ۋاقىتتا اتالمىش جۇيەنى مالايزيالىق جۇيەنىڭ نەگىزىندە جەتىلدىرۋ كوزدەلۋدە. وندا جاڭا جابدىقتار ورناتىلادى، ول دا اۆتوماتتاندىرىلعان. بۇل ەلەكتروندىق ۆيزالاردى ەنگىزۋ، شەكارادا باقىلاۋدى كۇشەيتۋ اياسىندا جۇرگىزىلەتىن بولادى»، - دەپ اتاپ ءوتتى ءى ءى م وكىلى.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى