قازاقستاندىق جۋرناليست نازاربايەۆتىڭ ەل بىلمەگەن قىر-سىرىن ايتىپ بەرەتىنىن مالىمدەدى

ك ت ك- نىڭ بۇرىنعى جۋرناليسى ياروسلاۆ كراسيەنكو تۇسىرگەن لەنتادا مەملەكەت باسشىسىنىڭ ارحيۆتەگى سۇحباتتارى مەن سويلەگەن سوزدەرى كورسەتىلەدى.

«ءبىتتى. بۇل اياقتالدى. كوپ ايلىق مارافون، ونىڭ مارەسى ءبىر جارىم ساعاتتىق فيلم بولدى. ارحيۆتەردەگى كوپ ەڭبەكتى تالاپ ەتەتىن جۇمىس، باسقا قالالارداعى قاجەتتى سۋرەتتى ىزدەۋ، ۇزدىك كامەرالارمەن تۇسىرىلگەن كادرلار، تۇسىرىلىمگە قاتىسۋشىلاردىڭ اراسىنداعى داۋ- دامايلار، بىتپەس وزگەرتۋلەر مەن تۇزەتۋلەر - مۇنىڭ ءبارى ارتتا قالدى. الدا تانىستىرىلىمى. قورىتىندىسىندا نە شىقتى؟ قازاقستان تاۋەلسىزدىگىنىڭ ناعىز جىلناماسى. ونىڭ تولىق ءارى ءادىل (ارينە، مەنىڭ پىكىرىم بويىنشا) تاريحى. بۇل جەردەن ەشتەڭەنى دە الىپ تاستاۋعا بولمايدى - مەملەكەتتىك سيمۆولدار، تەڭگەنى ەنگىزۋ، جەكەشەلەندىرۋ، استانانىڭ اۋىسۋى سياقتى كوپكە ءمالىم جايتتار ەمەس، سونىمەن قاتار 1986 -جىلعى كوتەرىلىس، ورال كازاكتارىمەن قاقتىعىس، جوعارعى كەڭەستىڭ تاراۋى، پرەمەر قاجىگەلدينمەن قارسىلىق، ساياسي داعدارىستار، «قازاقستاننىڭ دەموكراتيالىق تاڭداۋىنىڭ» پايدا بولىپ، قۋىلۋى، جاڭاوزەندەگى قاسىرەت. سەبەبى وسى وقيعالارسىز ءبىزدى ەلەستەتۋ قيىن، ءتۇسىنۋ قيىنداۋ. ءاربىر ادام بۇل فيلمدە بۇعان دەيىن كورمەگەن، بىلمەگەن دۇنيەسىنە كوز جەتكىزەدى. لەنتانىڭ نەگىزى - نۇرسۇلتان نازاربايەۆپەن ەكسكليۋزيۆ سۇحبات. ادەتتەگىدەي، وتە مىقتى. ەفير تاياۋدا»، - دەپ جازدى كراسيەنكو Instagram جەلىسىندەگى پاراقشاسىندا.

 وسى پاراقشاسىندا اۆتور كارتينانىڭ ەكى ۇزىگىن جاريالادى. بىرىندە نازاربايەۆ «قازاقستان رەسەيمەن بىرگە ءبىرىڭعاي رۋبلگە وتەتىنىن» ايتادى. «قازاقستاننىڭ توقسانىنشى جىلداردىڭ باسىندا رەسەيمەن قالىپ، جاڭا رۋبل ايماعىندا - 1992 -جىلعى جاڭا رۋبل ۇلگىسىمەن قالعىسى كەلگەنىن كوپ ادام بىلە بەرمەيدى. پراگماتيكالىق ەكونوميكالىق كوزقاراسپەن بارلىق ساۋدا رەسەيمەن بايلانىستى بولدى جانە ءبىرىڭعاي ۆاليۋتادان باس تارتۋ قاراپايىم ازاماتتاردىڭ جاعدايىن ودان ارمەن ناشارلاتتى. الايدا ەلتسين مەن ونىڭ ليبەرال كاماريلياسى - چيكاگولىق بالالارى مەن امەركەڭەسشىلەرى «مونەتارلىق ساتقىندىق» دەگەن اتپەن بەلگىلى بولعان فورتەلدى تاستادى. ال بۇل ءسپيچتى پرەزيدەت 1992 -جىلى ايتتى. سول ۋاقىتتا رۋبل ايماعىن ساقتاپ قالۋ دەگەن جوسپار بولعان»، - دەلىنگەن ۆيدەونىڭ تۇسىندىرمەسىندە.

تاعى ءبىر ۇزىكتە قازاقستاندىق كوشباسشى ۋكراينا جايلى ءسوز قوزعايدى. «مەن، ارينە، ءوز قىزمەتى بويىنشا نازاربايەۆتىڭ ساياسي، ءتىپتى تىڭ كورەگەندىگىن كوپ بايقاعانمىن، الايدا ارحيۆكە ءۇڭىلىپ، سۇمدىق جايتتاردى تابا وتىرىپ، «ءماسساعان!» دەپ تاڭعالاتىن مالىمەتتەردى كوپ كەزدەستىردىم. ماسەلەن، مىنە، ق ر پرەزيدەنتى 1992 -جىلدىڭ وزىندە (!) ۋكراينانىڭ 2016 -جىلى نەلىكتەن مۇنداي جاعدايعا تۇسەتىنىن تاپ باسىپ ايتىپ بەرەدى، ەكونوميكاسى بويىنشا ك س ر و- داعى ەكىنشى ەلدىڭ بۇلايشا كەرى كەتەتىنىن ءدوپ باسىپ ايتادى»، - دەپ تاڭعالادى كراسيەنكو.

  دەرەككوز kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى