الەكسەي ني ق ر قۇراماسىنا جاڭادان كەلگەن باس باپكەردىڭ قانداي ادام ەكەنى تۋرالى ايتىپ بەردى

ماماننىڭ ايتۋىنشا، مەلنيكوۆ - وتە تاجىريبەلى جاتتىقتىرۋشى، 30 جىل بويى ول ءبىرشاما الەمدىك دەڭگەيدەگى سپورت شەبەرلەرىن تاربيەلەپ شىعاردى. «ول سەرگەي كوپىتوۆ، ۆياچەسلاۆ نيۋ، تاتيانا حروموۆا، باحىت احمەتوۆ، اللا ۆاجەنينا سياقتى ەڭبەك سىڭىرگەن سپورت شەبەرلەرىن دايىنداپ شىعاردى. ۆاجەنينا بەيجىڭ وليمپياداسىنىڭ چەمپيونى بولدى. مەلنيكوۆ بارلىق وليمپيادا ويىندارىندا ءوز سپورتشىلارىن دايىندادى»، - دەيدى ني.

«مەلنيكوۆتىڭ باس باپكەردىڭ مىندەتىن اتقارۋشى بولىپ تاعايىندالۋى وتە دۇرىس شەشىم دەپ ەسەپتەيمىن، ونىڭ حالىقارالىق تاجىريبەسىن جانە باسقارۋداعى تاجىريبەسىن ەسكە الساق، ونىڭ تاعايىندالعانى دۇرىس دەپ ەسەپتەيمىن. ول قازاقستان قۇراماسىن حالىقارالىق جارىستاردا لايىقتى تۇردە كورسەتەدى دەپ سەنەمىن»، - دەدى مامان.

ەسكە سالايىق، 25- قاراشادا الەكسەي نيدىڭ قازاقستاننىڭ اۋىر اتلەتيكادان ۇلتتىق قۇراماسىنىڭ باس باپكەرى قىزمەتىنەن كەتەتىنى بەلگىلى بولعان ەدى. ونىڭ باسشىلىق ەتكەن تۇسىندا كوماندا التى وليمپيادادا جانە 15 الەم چەمپيوناتىندا پوموستقا شىققان بولاتىن. كەيىن، 2- جەلتوقساندا باس باپكەردىڭ مىندەتىن اتقارۋشى قىزمەتىنە يۋري مەلنيكوۆتىڭ تاعايىندالعانى بەلگىلى بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى