اسكەري تەڭىزشىلەر جاڭا سۇڭگۋىرلىك جابدىقتى سىنادى
سونىمەن قاتار، ونى وقۋ-جاۋىنگەرلىك قىزمەت بارىسىندا ءارى قاراي قولدانۋ ءۇشىن سۇڭگۋىرلەر بولىمشەسىنىڭ جەكە قۇرامى وقىپ-ۇيرەندى.
ءوزىنىڭ تاكتيكا-تەحنيكالىق سيپاتتامالارى بويىنشا بۇگىنگى تاڭدا اتالمىش جابدىقتىڭ كاسپي ءوڭىرىنىڭ ەلدەرىندە بالاماسى جوقتىڭ قاسى. ونىڭ باستى ەرەكشەلىگى جابدىقتالماعان جاعالاۋدا سۇڭگۋدى قامتاماسىز ەتۋگە مۇمكىندىك بەرەدى. ودان باسقا، كەرەك-جاراققا تەحنيكالىق قىزمەت كورسەتۋ كوشپەلى جاعدايدا دا جۇرگىزىلەدى.
بۇل قازاقستاندىق جاعالاۋدىڭ جاعا ماڭى ايماعىندا سۋاستى ورتانىڭ قولايلى جاعدايىن قامتاماسىز ەتۋ جونىندە قويىلعان تاپسىرمالاردى جەدەل جانە ساپالى ورىنداۋعا مۇمكىندىك بەرەدى. قاراشا ايىندا قازاقستان اسكەري-تەڭىز كۇشتەرىنىڭ سۇڭگۋىرلەر بولىمشەسىنە «گيدروپريبور» ع ز ي» ا ق قازاقستاندىق كاسىپورىندا وندىرىلگەن كاماز بازاسىندا موبيلدى سۇڭگۋىرلىك كەشەندى جەتكىزۋ جۇزەگە اسىرىلعانىن ايتا كەتكەن ءجون.
«بۇگىنگى تاڭدا قازاقستان قارۋلى ۋۇشتەرىنىڭ اسكەري-تەڭىز كۇشتەرى سۋ جاڭا زاماناۋي اسكەري-ارنايى تەحنيكامەن جابدىقتالۋى بويىنشا كاسپي ماڭىنداعى مەملەكەتتەرگە دەس بەرمەيدى. ال كەيبىر ۇلگىلەر بويىنشا ءتىپتى، اسىپ تۇسەدى»، - دەدى ق ر ق ك اسكەري-تەڭىز كۇشتەرىنىڭ باس قولباسشىسى ۆيتسە-ادميرال جانداربەك جانزاقوۆ.
