الماتىنىڭ ۇزدىك مەيرامحانالارى مەن قوناقۇيلەرى ۋنيۆەرسيادا سەرتيفيكاتىن الدى
«تۋريزم - الەمدىك ەكونوميكاداعى بولاشاعى زور سالانىڭ ءبىرى، ءتىپتى داعدارىس كەزىندە دە تابىس تابادى. ونىڭ ۇستىنە، بۇل سالادا دا جىل سايىن باسەكەلەستىك ارتا تۇسۋدە. حالىقارالىق ساراپشىلاردىڭ باعاسى بويىنشا تۋريزم ەكونوميكانىڭ ارالاس 30 سالاسىنىڭ دامۋىنا ىقپال ەتەدى ەكەن. بۇل رەتتە الماتىنىڭ الەۋەتى جوعارى، قازىردىڭ وزىندە ءاربىر ەكىنشى شەتەلدىك تۋريست وڭتۇستىك استاناعا كەلەدى»، - دەدى ب. بايبەك.
اكىم قالاداعى قوناقۇيلەر مەن تاماقتانۋ ورىندارىنىڭ سەرۆيسىن جاقسارتۋ، تۋريستىك ازىق-تۇلىك ونىمدەرىنىڭ ءتۇرىن كوبەيتۋ قاجەتتىگىن اتاپ ءوتتى. ول قالالىقتاردىڭ قاۋىپسىزدىگىن قامتاماسىز ەتۋ، باسقا دا كوپتەگەن ماسەلەلەردى ويداعىداي شەشۋ ءىسىنىڭ ودان ءارى جالعاساتىنىن، سول ارقىلى تۋريستىك تارتىمدىلىقتىڭ ارتا تۇسەتىنىن دە قاداپ تۇرىپ جەتكىزدى.
جيىن بارىسىندا قوعامدىق ورىنداردىڭ ورنالاسۋى مەن قوناقجايلىلىعىنا قاتىستى الماتىنىڭ دامۋ ورتالىعى جۇرگىزگەن زەرتتەۋدىڭ قورىتىندىسى شىعارىلدى. ادو باسقارماسىنىڭ ءتورايىمى جاننا تولەگەنوۆا وبەكتىلەردىڭ التى باعىت بويىنشا زەرتتەلگەندىگىن ايتتى.
ولار: كەزدەسۋ، تۇتىنۋ تالابىن انىقتاۋ، كوممۋنيكاتسيا جانە ساتۋ، پىكىرتالاستىرۋشىلارمەن جۇمىس ىستەۋ، كەشىرۋ جانە ورتاق ەسكەرتپەلەر.
قورىتىندى باعا كليەنتتەر پىكىرىنىڭ 4 دەڭگەيى بويىنشا شىعارىلدى - ۇزدىك، جاقسى، قاناعاتانارلىق، قاناعاتانعىسىز. «زەرتتەۋ جۇمىسى «قۇپيا ساتىپ الۋشى» ءادىسى بويىنشا ءجۇردى. وندا ارنايى انكەتا تولتىرىلدى ءارى جاپپاي ىرىكتەۋ بويىنشا ءتيىستى بالدار قويىلدى. قوعامدىق تاماقتاندىرۋدىڭ 106 وبەكتىسىنىڭ 69 ى «ۇزدىك»، 23 ءى «جاقسى»، 13 ءى «قاناعاتتانارلىق»، تەك بىرەۋى عانا «قاناعاتتانعىسىز» دەگەن باعا الدى.
ورنالاسۋى بويىنشا زەرتتەلگەن 84 وبەكتىنىڭ 29 ى «ۇزدىك»، 35 ءى «جاقسى»، 20 ى «قاناعاتتانارلىق» باعالارىن يەلەندى. ورنالاسۋى جاعىنان بارلىق نىساندار قاناعاتتانارلىق بولىپ شىقتى»، - دەدى ج. تولەگەنوۆا.
جيىن سوڭىندا «ۋنيۆەرسيادا ۇسىنادى» سەرتيفيكاتىن 99 قوناق ءۇي مەن 106 قوعامدىق تاماقتاندىرۋ ورىنى الدى. «رەسمي مالىمەت بويىنشا ۋنيۆەرسيادا جارىستارى كەزىندە قوناق ۇيلەر مەن مەيرامحانالاردىڭ جۇمىس تىعىزدىعى %84 عا ارتادى. ترۋيستىك باعىتتاردىڭ قاۋىرتتىعى %400 عا ۇلعايادى. ال ويىندار اياقتالعان سوڭ قالانىڭ تۋريستىك پوتەنتسيالى 2,5 ەسە وسەدى.
«ۋنيۆەرسيادا ۇسىنادى» سەرتيفيكاتتارى جانە شيلدالارمەن بىرگە ۋنيۆەرسيادانىڭ برەند-بۋكتارىن ەسكەرە وتىرىپ، مەيرامحانالاردى، قوناق ۇيلەردى، ويىن-ساۋىق ورىندارىن بەزەندىرۋدىڭ بىرنەشە تۇرلەرى كورسەتىلگەن فلەش-كارتالاردى دا تاراتتىق»، - دەدى «28-بۇكىل الەمدىك قىسقى ۋنيۆەرسيادانى وتكىزۋدى ۇيىمداستىرۋ ديرەكتسياسى» م ق- نىڭ باسشىسى نايل نۋروۆ.
ەسكە سالا كەتسەك، قىسقى ۋنيۆەرسيادا الماتىدا 2017-جىلدىڭ 29- قاڭتارى مەن 8- اقپانى ارالىعىندا وتەدى. ستۋدەنتتىك ويىندار باعدارلاماسىنا سپورتتىڭ 12 ءتۇرى ەنگەن. الماتىعا الەمنىڭ 57 ەلىنەن 2 مىڭ سپورتشى كەلەدى دەپ كۇتىلۋدە.
