ۇكىمەت باسشىسى ق ر پرەزيدەنتى سىيلىقتارىنىڭ يەگەرلەرىن ماراپاتتادى - فوتو
«قازمەديا» ورتالىعىندا «التىن ساپا» ق ر پرەزيدەنتى سىيلىعىنىڭ لاۋرەاتتارىن، بيزنەستىڭ الەۋمەتتىك جاۋاپكەرشىلىگى جونىندەگى «پارىز» بايقاۋىنىڭ جانە «قازاقستاننىڭ ۇزدىك تاۋارى» رەسپۋبليكالىق كورمە- بايقاۋىنىڭ جەڭىمپازدارىن سالتاناتتى ماراپاتتاۋ ءراسىمى ءوتتى. 
يندۋستريالاندىرۋ كۇنى بارىسىندا پرەمەر-مينيستر «ازىق- تۇلىك تاۋارلارىن جانە/نەمەسە اۋىل شارۋاشىلىعى ونىمدەرىن وندىرەتىن ەڭ ۇزدىك كاسىپورىن» اتالىمى بويىنشا «ورداباسى قۇس» ج ش س- نا ق ر پرەزيدەنتىنىڭ «التىن ساپا» ارنايى سىيلىعىن تابىستادى.
باقىتجان ساعىنتايەۆ «پارىز» سىيلىعىنىڭ التىن مۇسىنشەلەرىن مىنا اتالىمدار بويىنشا ءبىرىنشى ورىن العان كاسىپورىندار: «ۇزدىك الەۋمەتتىك جاۋاپكەرشىلىكتى كاسىپورىن» - «BI GROUP» حولدينگىنە، «ەڭبەكتى قورعاۋ سالاسىنداعى ۇزدىك كاسىپورىن» اتالىمى بويىنشا «ءومىرزاق- سەرۆيس» ج ش س- نە، «ۇزدىك ۇجىمدىق شارت» اتالىمى بويىنشا «ساعىز پەترولەۋم كومپاني» ج ش س- نە، «ەكولوگياعا قوسقان ۇلەسى ءۇشىن» اتالىمى بويىنشا ءبىرىنشى ورىن يەگەرى «پەتروكازاحستان ويل پروداكس» ج ش س- نە تابىستادى. 
بيىل «پارىز» رەسپۋبليكالىق بايقاۋىنا قاتىسۋعا ەلىمىزدىڭ بارلىق وڭىرلەرىنىڭ 501 كاسىپورىنى ءوتىنىم بەرگەن. ماراپاتتاۋ ءراسىمىنىڭ سوڭىندا مەملەكەت باسشىسىنىڭ قاتىسۋىمەن 23 يندۋستريالدىق جوبا ۇسىنىلعان جالپى ۇلتتىق تەلەكوپىر ءوتتى.
