الەمدەگى ەڭ باي بلوگەرلەر كىمدەر؟

بۇل ءتىزىمدى وسىمەن ەكىنشى رەت PewDiePie دەگەن اتاۋمەن تانىلعان 27 جاسار شۆەتسيا تۇرعىنى فەليكس اۆريد كەلبەرگ باستاپ وتىر، دەپ حابارلايدى ria.ru.

شۆەتسيالىق ۆيدەوبلوگەر ءوزىنىڭ «لەتسپلەيلەرىمەن» (ۆيدەوداعى جانر ءتۇرى) تانىمال بولدى. ول بەينە ويىنداردى وينايدى جانە ءبىر مەزگىلدە ونى جۇرگىزىپ وتىرادى. Forbes جۋرنالىنىڭ باعالاۋىنشا، 2015-جىلدىڭ ماۋسىم ايى مەن 2016-جىلدىڭ ماۋسىمىنا دەيىن كەلبەرگ 15 ميلليون دوللار تابىس تاپقان.

PewDiePie ارناسىنا 5 ميلليوننان استام ينتەرنەت پايدالانۋشىلارى تىركەلگەن. ەكىنشى ورىندا رومان ەتۆۋد تۇر. ول 8 ميلليون دوللار تابىس تاپتى. بۇل قارجىنىڭ ءبىر بولىگىن «تۋا بىتكەن قالجىڭباستار» فيلمىنىڭ كادەسىيلارىن ساتۋدان كورىپ وتىر.

ءۇشىنشى ورىندا ستەنداپ- كوميك ليللي سينگح تۇر. ونىڭ جىلدىق كىرىسى 7,5 ميلليون دوللاردى قۇرادى. سينگح ارناسىنا 10,2 ميلليون ادام تىركەلگەن. رەيتينگكە بارلىعى 12 ۆيدەو بلوگەر كىرگەن. Forbes جۋرنالىنىڭ جازۋىنشا، ولاردىڭ بارلىعى بىرىگىپ، ءبىر جىلدا 70,5 ميلليون دوللاردىڭ باسىن قۇراپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى