ءتارتىپ ساقشىسى بولامىن دەگەن بالا كەزدەگى ارمانىم ورىندالدى - رۋسلان ءابجانوۆ
25 جىل بۇرىن جاس مەملەكەت ءوزىن ەگەمەن ەل دەپ جاريالاپ، تاۋەلسىزدىككە قول جەتكىزگەن بولاتىن. وسى ۋاقىت ىشىندە ءتۇرلى جاڭارۋلاردان ءوتىپ، ماڭگىلىك ەل بولۋ جولىندا قارىشتى قادامدار جاساپ، دامىعان 50 ەلدىڭ قاتارىنان بوي كورسەتىپ، الەمگە پروگرەسشىل ءارى سەنىمدى مەملەكەت رەتىندە تانىلدى.
وسىنداي جاس ءارى قارقىندى دامۋشى مەملەكەتپەن بىرگە ازاتتىقتىڭ اق تاڭىندا دۇنيەگە كەلگەن، بالالىق شاعىن اشىق اسپان استىندا وتكىزگەن تاۋەلسىزدىك قۇرداستارى دا ءوسىپ كەلەدى. قىزىلوردا وبلىسى ىشكى ىستەر دەپارتامەنتىنىڭ وزىندە قازاق ەلى تاۋەلسىزدىك العان جىلدارى دۇنيەگە كەلگەن 88 پوليتسيا قىزمەتكەرى قىزمەت ەتەدى. سولاردىڭ ءبىرى - رۋسلان الياكىم ۇلى ءابجانوۆ. ول 1991 -جىلدىڭ 16 -جەلتوقسانىندا دۇنيەگە كەلگەن.
كىشكەنتاي كەزىنەن ايتقان سوزىنەن تايسالمايتىن بەرىكتىگى، شىدامدىلىعى مەن توزىمدىلىگى ونىڭ بولاشاعىنان ۇلكەن ءۇمىت كۇتتىرەتىن. 27 جىل بويى قۇقىق قورعاۋ ورگاندارىندا قىزمەت اتقارىپ، قۇرمەتتى زەينەتكەرلىككە شىققان اكەسىنىڭ تەمىردەي ءتارتىبىنىڭ ارقاسىندا رۋسلان كىشكەنتاي كەزىنەن بولاشاقتا كىم بولاتىندىعىن شەشىپ قويعان-دى.
اكەسىنىڭ قاسىنان ءبىر ەلى قالماي، قىزمەت بارىسىندا ورىن العان قىزىقتارى مەن شىجىقتارىن تىڭداپ، ناعىز پوليتسيا قىزمەتكەرى ۇستانۋى قاجەت اقىل- كەڭەستەرىن ساناسىنا قۇيىپ ءوستى. وقۋ ورنىن ءتامامداپ، اسكەر قاتارىنا شاقىرىلىپ، ورال قالاسىنداعى ىشكى اسكەر اسكەري بولىمىندە ازاماتتىق بورىشىن وتەپ كەلدى.
ەڭ العاش وتان الدىندا انت بەرۋ ساتىندە قاتتى تولقىنىستا بولعان ول، قانداي جاۋاپكەرشىلىك جۇگىن ارقالاعانىن سەزىنىپ، وزىنە دە ءارقاشان ادال بولۋعا، ازاماتتاردىڭ قۇقىعى مەن بوستاندىعىن قورعاۋ جولىندا بارلىق كۇش- جىگەرىن جۇمساۋعا انت بەرگەن ەدى. ىشكى ىستەر ورگاندارىنداعى العاشقى قىزمەتىن قالالىق ىشكى ىستەر باسقارماسىنىڭ جول پاترۋلدىك پوليتسيا قىزمەتكەرى رەتىندە باستايدى.
قازىرگى تاڭدا پوليتسيا كىشى سەرجانتى شەنىندە قىزمەت ەتۋدە. كۇن- ءتۇن دەمەي جولداعى قاۋىپسىزدىكتى قامتاماسىز ەتىپ، ازاماتتاردىڭ بوستاندىعى مەن قۇقىقتارىنىڭ قورعالۋى جولىندا قىزمەت ەتىپ، وتان الدىنداعى انتىنا ادالدىق تانىتۋدى باستى ماقساتى تۇتادى. ەلباسىمىز نۇرسۇلتان نازاربايەۆتىڭ: «ەلىڭنىڭ ۇلى بولساڭ، ەلىڭە جانىڭ اشىسا، ازاماتتىق نامىسىڭ بولسا، قازاقتىڭ ۇلتتىق، جالعىز مەملەكەتىنىڭ نىعايىپ- كوركەيۋى جولىندا جان تەرىڭدى سىعىپ ءجۇرىپ ەڭبەك ەت. ەلدىڭ دە، جەردىڭ دە يەسى ءوزىڭ ەكەنىڭدى ۇمىتپا» دەگەن ءسوزىن ومىرلىك ۇستانىمى ەتىپ، نىساندى كيىمىنە كىر كەلتىرمەي، اسقاق مۇراتتارعا ابىرويلى قىزمەت ەتۋدى كوزدەيدى.
«مەن مەملەكەتىمىزدىڭ تاۋەلسىزدىك العان جىلى جارىق دۇنيە ەسىگىن اشقانىمدى ماقتانىش سانايمىن. «ارمانسىز ادام - قاناتسىز قۇسپەن تەڭ» دەمەكشى، مەنىڭ بالا كەزدەگى ارمانىم ورىندالدى، مەن پوليتسيا قىزمەتكەرى اتاندىم، ءوز ەلىمنىڭ تىنىشتىعىن قورعاپ ءجۇرمىن. بولاشاقتا قازاقستاننىڭ بەرىك قالقانى بولاتىنىما سەنەمىن»، - دەيدى ءوز ماماندىعىن جاقسى كورەتىن جانە بولاشاقتا وفيتسەر بولۋدى ارماندايتىن رۋسلان.
اۆتور: ەلۋباي اۋەزوۆ
