نازاربايەۆ وبلىس اكىمدەرىنىڭ نەگىزگى جۇمىسىن ايتتى
«بىزدەر ءۇشىن اگرارلىق سەكتور وتە ماڭىزدى ەكەندىگىن بىلەمىن. ءبىز ونىمەن جۇمىس ىستەۋگە ءتيىسپىز. ەنەرگەتيكا مەن ينفراقۇرىلىم دا ماڭىزدى. دەگەنمەن، يندۋستريالدى دامۋ مەملەكەتتىك باعدارلاماسىن قولداۋ قاجەت جانە ەڭ باستىسى، اقشانى قايدا جۇمساۋ قاجەتتىگىن ءبىلۋ كەرەك»، - دەدى نازاربايەۆ.
وسى رەتتە پرەزيدەنت اقشامىزدىڭ دا قازىرگى ۋاقىتتا كوپ ەمەستىگىن، دەگەنمەن الداعى كۇننەن ءۇمىت بار ەكەندىگىن باسا ايتتى.
«مەن 2017 - جىلى مىس پەن اليۋميني جانە قارا مەتالل باعاسىنىڭ كوتەرىلەتىندىگىنە جانە ءبىزدىڭ كوڭىل- كۇيىمىزدىڭ جاقساراتىندىعىنا سەنىمدىمىن. قازىر مۇناي 54 دوللار. بۇل دا ءبىزدى قاناعاتتاندىرادى. ياعني، قارجى پايدا بولعان كەزدە قارقىندى دامۋ ءۇشىن يندۋستريالاندىرۋعا بارىنشا قولداناتىن بولامىز. تەك ءبىزدىڭ ماماندار قايدا جىبەرۋ جانە نە ىستەۋ كەرەكتىگىن ءبىلۋى ءتيىس»، - دەدى ەلباسى.
مەملەكەت باسشىسى وتاندىق تاۋاردى ەكسپورتقا شىعاراتىن كاۆكاز، پارسى شىعاناعى، قىتاي جانە رەسەي سىندى ۇلكەن نارىقتار بار ەكەندىگىن اتاپ ءوتتى.
«ياعني، باسەكەلەستىك جۇمىستار جوق. ءوندىردىڭ بە، بارىپ كوز جەتكىز جانە سات. ءتىپتى رەسەي مەن قازاقستان وبلىستارىنىڭ ءوڭىرارلىق كەزدەسۋلەرىنەن دە سىزدەر ۇكىمەتتى ارالاستىرماي- اق بىرلەسكەن ءتيىمدى ىستەر جاساي الاسىزدار. اكىمدەر جۇمىس ىستەۋى قاجەت، سىزدەردىڭ باسقا جۇمىستارىڭىز جوق. باسەكەگە قابىلەتتى ءونىم شىعارۋ جانە سول ءونىمدى ساتۋعا كومەكتەسۋ قاجەت»، - دەدى ەلباسى.
اۆتور: مارلان جيەمباي
