قوياندى اۋىلىندا جەر تەلىمىن زاڭسىز يەلەنۋ ماسەلەسى تولىق شەشىلدى
دەپ حابارلايدى «قازاقپارات» ح ا ا ءتىلشىسى.
باسقارما باسشىسىنىڭ ايتۋىنا قاراعاندا، وبلىس بويىنشا 2016 -جىلدىڭ 1 - قاراشاسىنداعى جىلدىق جەر بالانسىنا سايكەس، اقمولا وبلىسىنىڭ اۋماعى 14,6 ميلليون گەكتاردى قۇرادى. ونىڭ ىشىندە 10,7 ميلليون گەكتارى اۋىل شارۋاشىلىعى ماقساتىنداعى جەرلەر بولسا، 5,7 ميلليون گەكتارى ەگىستىك تە، 4,5 ميلليون گەكتارى - جايىلىمدىق.
«جەردى ۇتىمدى پايدالانۋدىڭ ماڭىزدى فاكتورىنىڭ ءبىرى رەسۋرس رەتىندە جەردى ەكونوميكالىق اينالىمعا تارتۋ ماسەلەسى بولىپ تابىلادى. وسى ماقساتتا وبلىستا 2012-2014 -جىلدار ارالىعىندا پايدالانىلماي جاتقان جەرلەردى انىقتاۋ ماقساتىندا 11178 مىڭ گەكتار اۋىل شارۋاشىلىعى جەرلەرىن تۇگەندەۋ جۇرگىزىلدى. سونىڭ ناتيجەسىندە 1110,3 مىڭ گەكتار جەر انىقتالدى. وعان قوسا، جىل باسىنان بەرى مەملەكەت مەنشىگىنە قايتارىلىپ الىنعان اۋىل شارۋاشىلىعى ماقساتىنداعى جەرلەردى اينالىمعا ەنگىزۋ ءۇشىن 22 بايقاۋ وتكىزىلگەن. وسىنىڭ ناتيجەسىندە 167,9 مىڭ گەكتاردى قۇرايتىن 295 جەر تەلىمى اينالىمعا ەنگىزىلگەن. قازىرگى كەزدە، سەلينوگراد اۋدانىنىڭ قوياندى اۋىلىندا جەر تەلىمىن زاڭسىز يەلەنۋ ماسەلەسى تولىق شەشىلدى. بۇعان قوياندى اۋىلىنىڭ باس جوسپارىنا ەنگىزىلگەن وزگەرىستەر وڭ اسەر ەتتى. جەردى زاڭسىز باسىپ الۋدىڭ 195 وقيعاسى تىركەلسە، ونىڭ ىشىندە 182 جاعدايدا ساۋدا- ساتتىق تۋرالى كەلىسىمشارت جاسالىندى. زاڭسىز تۇرعىزىلعان نىساندار ءسۇرىلدى»، - دەدى ا. قىدىرالينا.
ايتا كەتۋ كەرەك، جەكەمەنشىك تۇرعىن ءۇي قۇرىلىسى ءۇشىن جەر تەلىمىن ۇسىنۋ شارالارىنا 2015 -جىلى وزگەرىستەر ەنگىزىلدى. تۇرعىن ءۇي سالۋ ءۇشىن قاجەتتى جەر تەلىمدەرى سۋ جانە ەلەكتر جەلىسىمەن قامتاماسىز ەتىلگەن اۋماقتاردا عانا ۇسىنىلادى. ال ءبىر ورتالىقتاندىرىلعان سۋ جۇيەسى جوق ەلدى مەكەندەردە ەلەكتر جەلىسى بولسا، بەرىلە بەردى.
«اتالعان جاڭا نورما حالىقتىڭ قاجەتتى جەر تەلىمىنە قولىن جەتكىزىپ، كەزەكتى ازايتۋعا مۇمكىندىك بەرەدى»، - دەدى باسقارما باسشىسى.
سونداي- اق، قازاقستان رەسپۋبليكاسى سالىق كودەكسىنىڭ 378 جانە 444 باپتارىنا ەنگىزىلگەن وزگەرىستەرگە سايكەس پايدالانىلماي جاتقان جەر ءۇشىن 10 ەسە كوتەرىڭكى مولشەرىندە سالىق سالۋ كوزدەلگەن. وسىنداي شارالاردىڭ ارقاسىندا بيىلعى جىلى بيۋدجەت پايداسىنا 51,8 ميلليون تەڭگە كىرىس تۇسكەن. بريفينگ بارىسىندا ەكىنشى دەڭگەيلى بانكتەردە كەپىلدە جاتقان جەرلەردى قايتارۋ، استانا ماڭىنداعى ەلدى مەكەندەردە جەكە مەنشىك ءۇي تۇرعىزۋ ءۇشىن كەزەك ارقىلى جەر الۋ ماسەلەسى ايتىلىپ، باسقارما باسشىسى مەن ماماندارى تاراپىنان تۇشىمدى جاۋاپتار الىندى.
اۆتور: اسلان وسپانوۆ
