ق ر پرەزيدەنتى «التىن ساپا» جانە «پارىز» سىيلىقتارىن تابىس ەتتى - فوتو

«يندۋستريالىق باعدارلامانىڭ جۇزەگە اسىرىلۋى، وسى كەزدەسۋىمىز جىلداعى داستۇرگە اينالىپ وتىر. بۇگىن ءبىز ەلىمىز ءۇشىن ەڭ ماڭىزدى سالالاردا جۇزەگە اسىرىلىپ جاتقان جۇمىستاردى كورىپ شىقتىق. ءبىز ءونىم ساپاسى جونىنەن ەڭ ۇزدىك كاسىپكەرلەرگە «التىن ساپا» سىيلىعىن تاپسىراتىن بولامىز. ساپا، ەڭ الدىمەن، باسەكەگە دايىن ەل دەگەن ءسوز. جۇزدەن جۇيرىك شىققان ەڭ ساپالى ونىمدەر عانا بايگە الادى. حالقىمىزدا «ەڭبەكشىل بولساڭ، ەلگە پايداڭ ءتيسىن» دەگەن ناقىل ءسوز بار. بۇل رەتتە الەۋمەتتىك جاۋاپكەرشىلىك ۇلگىسىن كورسەتكەن پارىز كونكۋرسىنىڭ دا جەڭىمپازدارىن دا بۇگىن ءبىز ماراپاتتايتىن بولامىز»، - دەدى ەلباسى. سونىمەن، پرەزيدەنتتىڭ «التىن ساپا» سىيلىعىنىڭ «ەڭ ۇزدىك يندۋستريالدىق جوبا» اتالىمىندا اتىراۋ وبلىسىنىڭ «اتىراۋ نەفتە ماش» ج ش س لاۋرەات اتانىپ، كومپانيانىڭ قۇرىلتايشىسى ساعات تۇگەلبايەۆ ەلباسىنىڭ قولىنان «التىن ساپا» سىيلىعىن الدى. بۇل كاسىپورىن قازاقستاندا مۇناي- گاز سالاسىندا جابدىقتار مەن وعان بولشەكتەر شىعاراتىن تاجىريبەسى بار ماڭىزدى زاۋىتتاردىڭ ءبىرى بولىپ تابىلادى. كاسىپورىندا مەتالدار مەن قورىتپالاردى دانەكەرلەۋدىڭ قازىرگى زامانعى تەحنولوگيالارى يگەرىلگەن.

مۇنىمەن قوسا، پرەزيدەنتتىڭ ارناۋلى «التىن ساپا» سىيلىعى اياسىنداعى «ۇزدىك يننوۆاتسيالىق جوبا» اتالىمى بويىنشا وڭتۇستىك قازاقستان وبلىسىنداعى «حيم فارم» ا ق توپ جارىپ، «التىن ساپا» سىيلىعىنا يە بولدى. اتالعان كومپانيانىڭ وندىرىستىك قۋاتتىلىعى جىلىنا 1,5 ميلليارد ءدارىنى، كاپسۋلانى جانە تۇيىرشىكتەردى شىعارۋعا مۇمكىندىك بەرەدى. كومپانيانىڭ ونىمدەرى قىرعىزستان، تاجىكستان، موڭعوليا، تۇركىمەنستان جانە رەسەي نارىقتارىنا شىعۋدا. سونىمەن قاتار اتالعان سىيلىق اياسىنداعى «ساپا كوشباسشىسى» اتالىمىندا پاۆلودار وبلىسىنداعى «قازاقستان ەلەكتروليز زاۋىتى» ا ق ماراپاتتالدى.

بيزنەستىڭ الەۋمەتتىك جاۋاپكەرشىلىگى جونىندەگى رەسپۋبليكالىق «پارىز» سىيلىعىنىڭ گران- پريى «اقساي گازسەرۆيس» ا ق- عا (ب ق و) تاپسىرىلدى. كومپانيانىڭ باسشىسى تىلەك شەكتىبايەۆ ق ر پرەزيدەنتى ن. نازاربايەۆتىڭ قولىنان «پارىز» سىيلىعىن الدى. اتاپ ايتقاندا، كومپانيا الەۋمەتتىك باعدارلامالاردى جۇزەگە اسىرۋعا جىل سايىن 25 ميلليون تەڭگەگە دەيىن قارجى ءبولىپ كەلەدى. كاسىپورىن تۇراقتى تۇردە ءبىلىم  بەرۋ، مادەنيەت مەكەمەلەرىنە قولداۋ جاساۋدا، سونداي- اق مۇقتاج ادامدارعا كومەك جاساۋ قورىنا ءوزىنىڭ ۇلەسىن قوسىپ كەلەدى.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى