استاناعا «سارى ارقا» گاز قۇبىرىن سالۋ جوباسىنىڭ قۇجاتى ازىرلەنۋدە
«گاز جانە گازبەن جابدىقتاۋ سالاسىنداعى ۇلتتىق وپەراتور «قاز ترانس گاز» ا ق استانا قالاسىن جانە گاز قۇبىرىنىڭ بويىندا ورنالاسقان ەلدى مەكەندەردى گازداندىرۋ ءۇشىن ءتيىستى جۇمىستاردى اتقارۋدا.
وسى ورايدا «بەينەۋ-بوزوي-شىمكەنت» ماگيسترالدى گاز قۇبىرىنان قىزىلوردا - جەزقازعان - قاراعاندى - تەمىرتاۋ - استانا باعىتى تۇرعىسىندا «سارى ارقا» گاز قۇبىرىن سالۋ جوباسى بويىنشا تەحنيكالىق ەكونوميكالىق نەگىزدەمەنى (ت ە ن) ازىرلەپ جاتىر»، - دەپ اتاپ وتىلگەن مينيسترلىك مالىمەتىندە.
اتاپ ايتقاندا، نەگىزدەمەنى ازىرلەۋ بيىلدىڭ سوڭىنا دەيىن اياقتالادى دەپ جوسپارلانۋدا جانە ونىڭ ناتيجەسى بويىنشا وسى ت ە ن ءۇشىن بەرىلەتىن «مەملەكەتتىك ساراپتاما» ر م ك- نىڭ قورىتىندىسى بويىنشا بۇل جوبانى ودان ءارى ىسكە اسىرۋ تۋرالى شەشىم قابىلداناتىن بولادى.
ەستەرىڭىزگە سالا كەتەيىك، مەملەكەت باسشىسى نۇرسۇلتان نازاربايەۆ وسىعان دەيىن استاناعا عاز قۇبىرىن تارتۋدى تاپسىرعان بولاتىن. بۇل رەتتە ەلوردانى گازبەن قامتاماسىز ەتۋ بويىنشا ءتۇرلى جوبالار قارالىپ جاتقاندىعى حابارلانعان ەدى. سونىمەن قاتار بۇعان دەيىن «توبىل-كوكشەتاۋ-استانا» سولتۇستىك گاز قۇبىرىن سالۋ شارالارى قاراستىرىلعان بولاتىن.
اۆتور: رۋسلان عابباسوۆ
