عالىمدار ءبىر جىل ساقتاۋعا بولاتىن جاساندى قان ويلاپ تاپتى
امەريكالىق زەرتتەۋشىلەر وكپەگە وتتەگى جيناپ، كۇللى اعزاعا جەتكىزەتىن قاننىڭ جاساندى قىزىل جاسۋشالارىن جاساپ شىعاردى. بۇل جاساندى قاندى كەپتىرىپ، قاتىرىپ قويۋعا بولادى. جەدەل جاردەم بريگاداسىندا ساقتاۋ مەن تاسىمالداۋ ءۇشىن قولايلى. بۇل سىعىندىنى قاجەت بولعاندا، جىلدام سۇيىقتىققا اينالدىرۋعا بولادى.
تەحنولوگيانى جاساۋشىلار كەپتىرىلگەن قان قىزىل بۇرىشتى ەسكە سالاتىنىن اتاپ وتەدى. ونى تامىرىشىلىق ەكپە ءۇشىن ارنايى ىدىستاردا ساقتاۋعا بولادى. ونى ساقتاۋ مەرزىمى 1 جىلدان اسۋى مۇمكىن. قاجەت بولعان جاعدايدا ىدىسقا ءتيىستى مولشەردە زالالسىزداندىرىلعان سۋدى قۇيسا، ەرىتىندى تولىقتاي ءازىر بولادى.
