قازاقستان جۇمىسسىزدىق دەڭگەيىنىڭ ارتۋىنا جول بەرمەۋگە ارەكەت ەتۋدە

 ونىڭ ىشىندە 563 مىڭ ادام تۇراقتى جۇمىس ورىندارىنا جۇمىسقا ورنالاستى. وسى جىلدىڭ 9 ايىندا باعدارلاماعا 146 مىڭنان استام ادام تارتىلعان ەكەن.

ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مالىمەتىنشە، وتكەن بەس جىلدىڭ ىشىندە باعدارلاما اياسىندا اتقارىلعان شارالار ەڭبەك نارىعىنداعى ساندىق ءارى ساپالىق ماندەگى نەگىزگى كورسەتكىشتەردىڭ وڭ قارقىنىنا ءوز ۇلەسىن قوستى دەپ ايتۋىمىزعا بولادى. 2010-2015 -جىلدارى ستاتيستيكالىق مالىمەتتەرگە قارايتىن بولساق، جۇمىسپەن قامتىلعان ازاماتتاردىڭ جالپى سانى ەلىمىزدە 6,3 پايىزعا، ال مەكەمەلەردە جۇمىس ىستەيتىن جالدامالى قىزمەتكەرلەردىڭ، ياعني ەڭبەك شارتىمەن قىزمەت ىستەيتىن قىزمەتكەرلەردىڭ سانى 17 پايىزعا كوبەيدى.

 جالپى، اعىمداعى جىلى 9 مىڭنان استام شاعىن نەسيەلەردى ءبولۋ ەسكەرىلگەن جانە ونى الاتىندار اۋىلدىق جەرلەردە قوسىمشا 12 مىڭعا جۋىق جۇمىس ورىندارىن قۇراتىن بولادى. اتاپ ايتقاندا، كاسىپكەرلىك باستامالارعا قولداۋ جاسالماعان جاعدايدا حالىقتىڭ جۇمىسسىزدىق دەڭگەيى بۇگىندە 5,8 پايىزعا جەتۋى ىقتيمال ەدى.

الەمدىك ەكونوميكادا ورىن العان جاعدايعا بايلانىستى جانە قىزمەتكەرلەردى جۇمىستان بوساتۋ قاۋپىنە قاراماستان، مەملەكەت قابىلداپ وتىرعان شارالار قازاقستاندا جۇمىسسىزدىق كورسەتكىشىن 5 پايىزدىق كورسەتكىشتە ۇستاپ وتىرۋعا مۇمكىندىك بەرۋدە.

 جالپىعا ورتاق ەڭبەك قوعامى يدەياسىن حالىق اراسىندا ناسيحاتتاۋ بويىنشا بەلسەندى ءىس- شارالار جۇزەگە اسىرىلىپ جاتقانى بەلگىلى. ونىڭ قاتارىندا بىرنەشە اۋقىمدى شارالار بار. مينيسترلىك مالىمەتىنشە، جاستار اراسىندا ەلىمىزدىڭ ەكونوميكالىق سۇرانىستارىنا ساي جۇمىسشى كاسىپتەر مەن كاسىپتىك ءبىلىم بەرۋدىڭ بەدەلى مەن تانىمالدىلىعىن ارتتىرۋ ماقساتىندا اعىمداعى جىلعى ءساۋىر ايىنان باستاپ قىركۇيەك ايىنا دەيىن جۇمىسشى ماماندىقتاردىڭ «Worldskills Kazakhstan»  ۇلتتىق جانە وڭىرلىك چەمپيوناتتارى وتكىزىلدى.

قازاقستاننىڭ بارلىق وڭىرلەرىنەن كەلگەن 700-دەن استام قاتىسۋشىلار مەيرامحانالىق سەرۆيس، كونديتەر ءىسى، شاشتاراز ءىسى، جەلىلىك جانە جۇيەلىك اكىمشىلەندىرۋ، ۆەب- ديزاين، مەحاترونيكا، قۇرعاق قۇرىلىس جانە سىلاقشىلار جۇمىسى، كىرپىش قالاۋ، دانەكەرلەۋ جۇمىستارى، بەزەندىرۋ جۇمىستارى، مەكتەپكە دەيىنگى تاربيە، كيىم ديزاينى، ەلەكتر مونتاجدىق جۇمىس سالالارى بويىنشا ۇزدىك اتانۋ ءۇشىن بايقاۋعا قاتىسادى.

 اتاپ ايتقاندا، جالپىعا ورتاق ەڭبەك قوعامى يدەياسىن حالىق اراسىندا ناسيحاتتاۋ جانە ەڭبەك ادامىنىڭ بەدەلىن ارتتىرۋ ماقساتىندا 2014 -جىلدان باستاپ «ەڭبەك كۇنى» مەرەكەسىن اتاپ ءوتۋ - ماڭىزدى شارالاردىڭ ءبىرى بولىپ تابىلادى. ەلىمىزدىڭ بارلىق ايماقتارىندا قازاقستان ەكونوميكاسىن دامىتۋعا جانە نىعايتۋعا ءوز ۇلەسىن قوسقان ەڭبەك ارداگەرلەرىنە، ەڭبەك اۋلەتتەرىنىڭ وكىلدەرى مەن كاسىبي ماماندارعا قۇرمەت كورسەتىلىپ، ەڭبەك كۇنىنە ارنالعان فورۋمدار وتۋدە.

ەستەرىڭىزگە سالا كەتەيىك، وتكەن اپتادا ۇكىمەت وتىرىسىندا ناتيجەلى جۇمىس جانە جاپپاي كاسىپكەرلىكتى دامىتۋ باعدارلاماسى تانىستىرىلدى. باعدارلامانىڭ نەگىزگى ماقساتىنا توقتالاتىن بولساق، ازاماتتاردىڭ جۇمىسقا ورنالاسۋى نەمەسە ءوزىنىڭ ءىسىن اشۋ ءۇشىن قاجەتتى كاسىبي داعدىعا جاپپاي وقىتۋ مەن ۇيرەتۋ كوزدەلىپ وتىر.

 «ءبىز 2008 -جىلدان باستاپ جۇمىسپەن قامتۋ باعدارلامالارىن ىسكە اسىرىپ كەلەمىز. وزدەرىڭىزگە بەلگىلى، بۇل باعدارلامالاردىڭ نەگىزگى باعىتى الەمدىك قارجى داعدارىسى جانە وعان جالعاسقان ەكونوميكالىق تۇراقسىزدىق كەزىندە جۇمىسسىزدار سانىن ارتتىرماۋ بولدى»، - دەدى ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا باعدارلامانى تانىستىرۋ بارىسىندا.

ونىڭ سوزىنە قاراعاندا، اتقارىلعان شارالاردىڭ دەنى ۋاقىتشا جۇمىسقا تارتۋ، بوس ورىندارعا ورنالاستىرۋ، وقىتۋ جانە بەلگىلەنگەن جۇمىس بەرۋشىگە قىزمەتكە ورنالاستىرۋدى ەسكەردى. ارينە، بۇل شارالاردىڭ ءبارى داعدارىسقا قارسى قادامدار رەتىندە ءوز ناتيجەسىن بەردى.

اۆتور: رۋسلان عابباسو

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى