مەملەكەتتىك ورگاندار زاڭدى وزدەرى ءۇشىن جازادى - قۇلىبايەۆ

 دەپ حابارلايدى قازاقپارات ءتىلشىسى.

«بۇگىندە نورماتيۆتىك- قۇقىقتىق اكتىلەردەردە جەمقورلىقتىڭ بار- جوعىن تەكسەرۋ ماسەلەسىنە باسا نازار اۋدارعان ءجون. سەبەبى مەملەكەتتىك ورگاندار بارلىق ەرەجەلەردى، رەگلامەنتتەردى جانە باسقا دا اكتىلەردى وزدەرى ازىرلەپ بەكىتەدى. ارينە، ونداي قۇجاتتار جەكە ۆەدومستۆولىق مۇددەلەر ءۇشىن جازىلادى. سوندىقتان زاڭدارداعى جەمقورلىقتىڭ بار- جوعىن تەكسەرگەندە قوعامدى كەڭىنەن تارتقان دۇرىس. بىزدىڭشە، وسى جۇمىستى ەكى باعىتتا جۇرگىزۋگە بولادى.

 بىرىنشىدەن، جاڭا زاڭداردىڭ ساراپتاماسىن وتكىزىپ وتىرۋ كەرەك. ەكىنشىدەن، بۇعان دەيىن قابىلدانعان زاڭداردى تولىعىمەن تەكسەرىپ شىعۋ قاجەت. وسى ورايدا مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىنە كەلەسى جىلدا بيزنەسكە قاتىستى نورماتيۆتىك اكتىلەردە جەمقورلىقتىڭ بار- جوعىن تەكسەرىپ شىعۋعا ۇسىنامىز»، - دەدى ت. قۇلىبايەۆ سىبايلاس جەمقورلىقپەن كۇرەس ماسەلەلەرىنە ارنالعان رەسپۋبليكالىق فورۋمدا. پرەزيديۋم ءتوراعاسىنىڭ ايتۋىنشا، بۇگىندە كاسىپكەرلەرگە بەرىلەتىن  28000 سان الۋان رۇقسات قاعازدارى بار. ماسەلەن، سانيتارلىق- ەپيدەميولوگيالىق ەرەجەلەر بويىنشا  11000 تالاپ بار.

«ءبىز اتالعان تالاپتاردى زەردەلەپ، سونىڭ 82 پايىزىن قىسقارتۋعا بولادى دەگەن قورىتىندىعا كەلدىك. قازىر وسى قىزمەت بويىنشا ناقتى  2000 عا جۋىق تالاپتى قالدىرۋعا بولادى. ال  11000 تالاپ، ول دەگەن شاعىن بيزنەس ءۇشىن ەمەس، ورتا بيزنەستىڭ ءوزى ءۇشىن اۋىرتپالىق تۋعىزىپ وتىر. ەندى، ويلاپ كورىڭىزشى، بارلىق تالاپتاردى ورىنداۋ ءۇشىن كومپانيانىڭ اپپاراتى قانداي بولۋ كەرەك؟ بىزدىڭشە، نارىقتىڭ ءوزى رەتتەپ وتىرۋى ءتيىس. ەگەر كومپانيانىڭ قىزمەت كورسەتۋ ساپاسى تومەن بولسا، وندا ول باسەكەگە توتەپ بەرە المايدى»، - دەيدى ت. قۇلىبايەۆ. ونىڭ ايتۋىنشا، اتالعان ماسەلەلەردىڭ ءبارىن «اكىمشىلىك كەدەرگىلەردى ازايتۋ تۋرالى» زاڭنىڭ اياسىندا رەتتەۋ كوزدەلىپ وتىر. ول ءۇشىن ارنايى جول كارتاسى قولعا الىنادى.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى