تاكسيستەر ءدىني ۋاعىز ايتۋدى شىعاردى - ءدىن ىستەرى مينيسترلىگى

 ونداي ارەكەتتەر زاڭعا قايشى، دەپ حابارلايدى قازاقپارات ءتىلشىسى.

 «مىسالى، ونداي جاعدايلار تاكسيلەردە جيىلەنىپ كەتتى. كەيبىر تاكسيستەر ۋاقىتتى پايدالانىپ، ءدىني ۋاعىز- ناسيحات اڭگىمەلەرىن ايتادى ەكەن. ول - زاڭعا قايشى ارەكەت. سوندىقتان بۇنداي فاكتىلەر بولسا، قۇقىق قورعاۋ ورگاندارىنا نەمەسە بىزگە حابارلاسۋعا بولادى»، - دەيدى ءدىن ىستەرى جونىندەگى كوميتەتتىڭ باسشىسى باقىتجان كۇلەكەيەۆ بۇگىن استانادا وتكەن باسپا ءسوز ءماسليحاتىندا.

ونىڭ ايتۋىنشا، بۇگىندە قايىرىمدىلىق ۇيىمدارى مەن ءتىل كۋرستارىن وتكىزەمىز دەپ، ءدىني قىزمەتپەن اينالىساتىندار دا بار. تىركەۋدەن وتپەگەن ونداي ۇيىمداردىڭ قىزمەتى دە زاڭسىز بولىپ سانالادى.

ايتا كەتەيىك، «ءدىني قىزمەت جانە ءدىني بىرلەستىكتەر تۋرالى» زاڭدى تۇسىندىرۋگە ارنالعان بۇگىنگى باسپا ءسوز ءماسليحاتىندا بەرىك ارىن دەسترۋكتيۆتى اعىم وكىلدەرىنىڭ يمامدارمەن داۋلاسىپ، مەشىتكە كەلۋشىلەردى قورقىتىپ جاتقانىن جەتكىزدى. وسى ورايدا ول دەرەۋ پوليتسياعا حابارلاسۋعا كەڭەس بەردى. سەبەبى ونداي ارەكەتتەر زاڭمەن قۋدالانادى.

ۆيتسە- مينيستر «مەملەكەتتىك قىزمەتشىلەرگە جۇما نامازىنا بارۋعا رۇقسات بار ما؟» دەگەن سۇراققا جاۋاپ بەردى.

سونداي- اق ول نامازحانالاردىڭ جابىلۋ سەبەبىن ءتۇسىندىرىپ بەردى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى