مەملەكەتتىك ورگاندار جۇمىسىنىڭ كورسەتكىشىنە جۋرناليستەر ساۋالىنا جاۋاپ بەرۋى اسەر ەتەدى
بۇگىن پارلامەنت ماجىلىسىندەگى ۇكىمەت ساعاتىنان كەيىن ق ر اقپارات جانە كوممۋنيكاتسيالار ءمينيسترى داۋرەن ابايەۆ وسىلاي مالىمدەدى، دەپ حابارلايدى قازاقپارات.
«ەگەر دە مەملەكەتتىك ورگان جۋرناليستەردىڭ ساۋالدارىنا ارەكەت ەتپەسە، وندا بۇل جاعداي اتالعان ورگان قىزمەتى تارماقتارىنىڭ ءبىرى بولاتىنىن ءتۇسىنۋىمىز كەرەك. ياعني، مەملەكەتتىك ورگان ءۇشىن بۇل كورسەتكىش تومەندەيدى. بۇل رەتتە تارماقتاردىڭ ىشىندەگى بىرەۋى بويىنشا ءوزىنىڭ مىندەتتەمەلەرىن ورىنداۋدا مەملەكەتتىك ورگان تيىمسىزدىگىن كورسەتەدى. سونداي- اق بۇل كەمشىلىك جالپى رەيتينگكە اسەر ەتەدى»، - دەدى د. ابايەۆ.
ونىڭ سوزىنە قاراعاندا، ۋاقىت وتە كەلە مەملەكەتتىك قىزمەتكەرلەر يدەيالارىنىڭ حالىققا دەيىن جەتۋىنە مۇددەلى بولادى. سونىمەن قاتار مينيستر كۇماندى اقپاراتتى جاريالاعانى ءۇشىن ب ا ق پەن جۋرناليستەردىڭ جاۋاپكەرشىلىگىنە قاتىستى سۇراققا جاۋاپ بەردى. د. ابايەۆتىڭ ايتۋىنشا، جۋرناليستەر مەن رەداكتورلار جاريالاپ وتىرعان اقپاراتتىڭ دۇرىستىعىن تەكسەرىپ وتىرۋى ءتيىس.
اۆتور: رۋسلان عابباسوۆ
