داۋرەن ابايەۆ: جۋرناليستەردى باسپانامەن قامتاماسىز ەتۋ ماسەلەسىن قاراستىرىپ جاتىرمىز

«جۋرناليستەردى باسپانامەن قامتاماسىز ەتۋ ماسەلەسىن جان-جاقتى قاراستىرىپ جاتىرمىز. ءبىراق، بۇل تۇرعىداعى ماسەلەدە زاڭناماعا كىشىگىرىم قاراما-قايشىلىق بار. ماسەلەن، مۇعالىمدەر بارشا قازاقستان بويىنشا جالپى ءبىر ماتەرتەبەگە يە (بيۋدجەت قىزمەتكەرى). بىزدە جۋرناليستەردىڭ ءبىر بولىگى مەملەكەتتىك باعىتتا، ال قالعانى جەكەمەنشىك سالادا جۇمىس ىستەيدى دەگەن ءبولىنىس بار. سوندىقتان ولاردىڭ بارلىعىن بىرىكتىرۋ زاڭناما اياسىندا قيىندىق تۋدىرادى. ءبىراق تا، وسى ماسەلەنى رەتتەۋ قادامدارىمەن اينالىسىپ جاتىرمىز»، - دەدى ابايەۆ.

مينيستر قازىرگى كەزدە جۋرناليستەردى باسپانامەن قامتۋدىڭ بىرنەشە جولى قاراستىرىلىپ جاتقاندىعىن، وسى ورايدا باسپانا بەرۋدىڭ ءتۇرلى باعىتتارى قارالىپ وتىرعانىن اتاپ ءوتتى.

«وسى رەتتە ءاربىر ۇجىم بۇل ماسەلەنى ءوزىنىڭ دەڭگەيىندە دە شەشۋى مۇمكىن. كەزىندە «ەگەمەن قازاقستان» گازەتى جۋرناليستەردى باسپانامەن قامتاماسىز ەتكەن بولاتىن. جالپى، بۇل باعىتتاعى جۇمىستارعا ءوز تاراپىمىزدان كومەكتەسۋگە ءارقاشان دايىنبىز. بۇكىل جۋرناليستەر قاۋىمىنا بيۋدجەتتىك باسپانانى الىپ بەرۋ قيىنداۋ شارۋا»، - دەدى ۆەدومستۆو باسشىسى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى