وتاندىق پروديۋسەر وتە تانىمال قازاق انشىسىنەن جاسىرىن بالا تۋىپ، ونىڭ توقالى بولعانىن مويىندادى
بۇل تۋرالى ول 31-ارناداعى «ۇيات ەمەس» باعدارلاماسىندا ايتىپ بەردى.
ول وتاندىق انشىلەردىڭ بىرىمەن، ونىڭ ايەلى بولا تۇرا، نەكەگە تۇرىپ، وعان بالا تۋىپ بەرگەنىن ايتتى. ءوزىنىڭ ۇلى ءيمانالىنىڭ اكەسىنىڭ كىم ەكەنىن انىق ايتپاسا دا، ۋاقىت وتە كەلە بۇل قۇپيامدى دا ەلگە جايىپ سالامىن دەدى.
«مەن ول كىسىگە جاس ءوسىپىرىم قىز سياقتى باسىم كەتىپ، عاشىق بولدىم. ونىڭ سوزىنە سەندىم. كەيىننەن ونىڭ ايتقان سوزدەرىنىڭ بارلىعى وتىرىك ەكەنىن ءتۇسىندىم. ول ايەلىمدى سۇيمەي قالدىم دەدى»، - دەپ اقتالدى ول.
«مەن ونىڭ ايەلى بولدىم. ياعني، مەن بالانى نەكەسىز ەمەس، نەكەمدى مەشىتتە قيدىرىپ بارىپ ومىرگە اكەلدىم»، - دەگەن ول قىزدارعا ءوزىنىڭ قاتەلىگىن قايتالاماۋدى سۇرادى.
«مەن ونىڭ وتباسىن بۇزعىم كەلمەيدى. ول ماعان نە ءۇشىن كەرەك؟ كەيىن ۋاقىتى كەلگەندە، ايتامىن»، - دەدى ول.
ونىڭ ايتۋىنشا، بالانىڭ اكەسى ءوزىنىڭ بالاسىن كورمەيدى دە، ارالاسپايدى دا. تىپتەن وعان اليمەنت تە تولەمەيتىن كورىنەدى.
«ونىڭ ماعان دەگەن كوزقاراسىن مەن بالامدى دۇنيەگە اكەلگەن كەزدە ءتۇسىندىم. ول ونى تيىسىنشە قابىلدامادى. مەن ونى كوزىنەن ءتۇسىندىم دە وعان اۋلاق كەت، جولىڭ بولسىن دەدىم. ول دا ماعان جولىڭ بولسىن دەپ تىلەپ، ەكەۋىمىز قوش ايتىستىق»، - دەدى ول.
وسى ساتتە باعدارلاما جۇرگىزۋشىسى بالانىڭ اكەسى ورىسشا سويلەي المايتىن، قازاقتىڭ ەڭ سۇيىكتى ءانشىسى ەكەنىن دە ايتىپ قالدى.
جەلى قولدانۋشىلارى ءتۇرلى بولجامدار جاساپ، جاننا ابۋوۆانىڭ ۇلىنىڭ اكەسىن تاپپاق بولدى.
